Desde o ano 1994, naquel lonxano Real Decreto 2166/1994, de 4 de novembro xa se recollía, no seu anexo, que a adminsitración autonómica da Xunta de Galiza e o Ministerio de Xustiza tiñan que establecer os necesarios instrumentos de colaboración para a promoción e utilización dos bens informáticos compatibles con todos os do estado, segundo o establecido na LOPX. E ben triste que a esta altura do século XXI, despois de máis de 25 anos, nin teñamos bens informáticos compatibles con todos os do resto do estado e, nin tan sequera teñamos un aplicativo informático que poida ser empregado no noso idioma. Agora non é achacable ao Ministeiro de Xustiza, pois nestes momentos o código fonte do programa Minerva está en poder da Xunta de Galiza e esta podería realizar as modificacións en dito código para versionar a aplicación Minerva no idioma galego, pero está claro que a administración autonómica actual non quere que o noso idioma se empregue na administración de xustiza, consolidando así a supremacía do castelán neste eido e impedindo o seu uso a aqueles que si o queremos empregar.
Ligazón nova:
Comentarios
Publicar un comentario