Resulta que, recentemente, tras manter unha conversa co Secretario Coordinador Provincial de Pontevedra, reiteramos a petición de reforzo do Xulgado de Caldas de Reis nº 1, un dos poucos xulgados mixtos (por non dicir o único que debe quedar nesta situación) que, a pesares de ter encomendada as tarefas do Rexistro Civil, carece do aumento no seu cadro de persoal dun funcionario máis do corpo de tramitación ou de xestión (mellor deste corpo, porque pode asinar no rexistro civil) que, xustamente, todos os órganos dese tipo teñen establecido agás o xulgado de Caldas de Reis, que leva penando máis de tres anos, ben porque se lle nomee un reforzo, ben porque se xestione a creación da praza correspondente no cadro de persoal dese órgano xudicial.
Consultada a Dirección Xeral de Xustiza só se nos acusou recibo da petición; consultado o Secretario Coordinador Provincial de Pontevedra, indicóusenos que leva reiterando dito reforzo desde hai máis de dous anos; e, consultado o TSXG indicóusenos que desde o 5-5-2017 xa se remitiu escrito á Dirección Xeral de Xustiza en relación con esta problemática e solicitando un reforzo para este xulgado.
Pois ben, ao parecer, desde maio de 2017 (vai para catro anos), nunca máis se soubo sobre o reforzo ou o aumento do cadro de persoal de Caldas de Reis. Asombra o control existente tanto no TSXG como na Dirección Xeral de Xustiza en relación ao estado e problemáticas existentes nos órganos xudiciais do seu territorio.
Ligazón escrito presentado CIG:
https://drive.google.com/file/d/1A_2y0q5vCEq7VgEUeBTjqgx7jiC1Q_kw/view?usp=sharing
Ligazón escrito contestación TSXG:
https://drive.google.com/file/d/1s4LKeo60kj_3hprC_XXK2lFBYFRrEo90/view?usp=sharing
Comentarios
Publicar un comentario