O pasado 26 de febreiro o Ministerio de Sanidade publicou a Actualización número 4 da “Estratexia de vacinación fronte á Covid-19 en España” tras o acordo alcanzado pola Comisión de Saúde Pública, na que tamén se atopan representadas todas as comunidades autónomas.
Dita Actualización inclúe, como novidade respecto á Actualización 3, os seguintes grupos a vacinar con ARNm: persoas de 70 a 79 anos (grupo 5 B), de 60 a 69 (grupo 5 C), as de menos de 60 con condicións de risco alto de COVID-19 grave (grupo 7) e de idades comprendidas entre os 56 e 59 (grupo 8). A definición dos devanditos grupos realizouse en previsión dunha maior dispoñibilidade de doses de vacinas no segundo trimestre do ano.
Ademais, o documento especifica que coas vacinas de AstraZeneca, unha vez completada a vacinación a colectivos con función esencial para a sociedade priorizados na Actualización 3, administrarase ás persoas de entre 45 e 55 anos de idade (grupo 9).
Ligazón Actualización 4:
Ligazón táboa resume grupos vacinación:
https://drive.google.com/file/d/159PG7UK6-3TFojyHXgllyaX7rggOjD4f/view?usp=sharing
Comentarios
Publicar un comentario