En canto á polémica suscitada pola recollida de datos para a realización de cribados nos colectivos da Adminitración de Xustiza, a fin de clarificar ás compañeiras/os a situación, a CIG contactou coa Xerencia de Atención Primaria do Sergas na Coruña e, polo responsable da mesma, se nos indicou que para o cribado levado a cabo no colectivo de persoal adscrito aos xulgados da Coruña requeriuse tanto do Servizo de Xustiza da Coruña como do TSXG os datos necesarios para poder contactar co persoal involucrado.
Esta realización de cribados ven fixada pola estratexia da Consellería de Sanidade e, é executada polas respectivas Xerencias de Atención Primaria, facendo as ditas probas naqueles lugares xa habilitados ao efecto en cada poboación para todos os cidadáns.
En consecuencia, tanto a recollida de datos como a chamada correspondente para as probas e o lugar de realización das mesmas realízase igualmente que a calquera persoa residente en Galiza, nos lugares e polo procedemento establecido ao efecto. Menos mal que na provincia de Pontevedra o Sergas, ao parecer, reprantexou o sistema de obtención de datos persoais para a realización das probas (como non podía ser doutro xeito) procurando recabar a información de quen realmente a ten no seu poder, que son os servizos de xustiza respectivos, con quen terían que contactar a estes efectos, e non por medios non regulamentarios como pretendía algunha central sindical.
Comentarios
Publicar un comentario