Saltar ao contido principal

A XUNTA NON AVALA AS GARDAS DE 24 HORAS DE CORUÑA E VIGO E O CXPX SI

O Consello Xeral do Poder Xudicial ( CGPJ) emitiu hoxe informe favorable á implantación do sistema de prestación do servizo de gardas de 24 horas nos partidos xudiciais da Coruña e Vigo, aínda que advirte de que o cambio está condicionado a que a Xunta e o Ministerio de Xustiza asuman o seu custo económico. A Sala de Goberno do Tribunal Superior de Xustiza de Galicia (TSXG) cursou en 2019 a solicitude do cambio do sistema de gardas ao  CGPJ tras dar o visto e prace á proposta dos xuíces de instrución da Coruña e Vigo, quen avoga por modificar as gardas semanais actuais por gardas de 24 horas con quenda  rotatorio diario. A medida, segundo indica o  CGPJ no seu informe, melloraría o servizo que se ofrece á cidadanía.

O Ministerio de Xustiza mostrouse conforme coas novas quendas e disposto a asumir o custo, pero advirte de que a autorización, a efectos económicos, quedaría supeditada á dispoñibilidade orzamentaria, unha vez se procedera á aprobación da próxima Lei de Orzamentos Xerais do Estado. A Xunta, pola súa banda, considera “imposible” dispoñer dos recursos económicos necesarios neste momento para poñer en marcha o novo sistema aínda que, segundo o informe que remitiu ao  CGPJ, no futuro podería considerar a súa implementación. O Goberno galego explica no documento que a situación de emerxencia sanitaria provocou “unha reorientación dos recursos, sempre limitados, cara á creación de novos órganos xudiciais”.

A Administración autonómica destaca que Galicia acaba de poñer en marcha tres novos xulgados do social na Coruña, Vigo e Lugo, un investimento que supón “un gasto superior ao que suporía para esta comunidade as gardas de 24 horas de ambas as cidades”. Debido a esa priorización de recursos, a Xunta non considera viable neste momento a implantación do novo sistema

 Ligazón CXPX:

 https://www.poderjudicial.es/cgpj/es/Poder-Judicial/Tribunales-Superiores-de-Justicia/TSJ-Galicia/En-Portada/El-CGPJ-avala-la-implantacion-de-las--guardias-de-24-horas-en-A-Coruna-y-Vigo-

Comentarios

Publicacións populares deste blog

MESA SECTORIAL MINISTERIO - VINDEIRAS OPOSICIÓNS

A CIG ven de participar na Mesa Sectorial do Ministerio de Xustiza, xunto cos sindicatos representativos do sector (Ccoo, Ugt, Ela, así como os corporativos Csif e Staj). Nela tratouse a primeira valoración da Lei 20/2021 e o seu impacto na OEP 2019 e seguintes da Administración de Xustiza. O Ministerio de Xustiza xa está a tratar o tema coas distintas CCAA con transferencias na materia posto que a cada unha lle afecta en maior o menor medida. Respecto da promoción interna non lle ven posibles afectacións. Dende a CIG reclamamos a recuperación do 50% das prazas para a PI, así como unha convocatoria extraordinaria que permita recuperar as prazas perdidas. Como a norma afecta de xeito diferente a cada OEP, o Ministerio entende que non se poderán acumular entre elas, pero de atopar o xeito de facelo optarán por esta vía que será a máis áxil. O Ministerio entende que para a OEP do 2019 xa deberían ofertar polo sistema de concurso aquelas prazas que leven ocupadas con carácter temporal de f

TOMA DE POSESIÓN DO NOVO SECRETARIO DE GOBERNO DO TSXG

O Secretario Nacional do Sector de Xustiza da CIG, Óscar Freixedo, e a Secretaria de Saúde  Laboral, Chelo Rodríguez, acudiron no día de onte, a tendendo ao convite da Ministra de Xustiza, á toma de posesión en Madrid do novo Secretario de Goberno do Tribunal Superior de Xustiza de Galiza, Juan José Martín Álvarez, ata fai uns días Director Xeral de Xustiza. Óscar e Chelo trasladáronlle ao novo Secretario de Goberno do TSXG o seu compromiso co diálogo e a colaboración, asi como a dispoñibilidade do Sector de Xustiza da CIG para mellorar as condicións laborais das traballadoras e traballadores da xustiza galega e do servizo público que atenden.

ANUNCIO DA CONVOCATORIA DAS BOLSAS DE PERSOAL INTERINO DE XUSTIZA

No DOG do 8 de febreiro publicouse a RESOLUCIÓN do 28 de xaneiro de 2022, da Dirección Xeral de Xustiza, pola que se convocan bolsas de traballo de persoal interino dos corpos xerais ao servizo da Administración de xustiza en Galicia (código de procedemento XU700A). 1. O prazo de presentación de solicitudes será de quince (15) días hábiles (ata o 1 de marzo) , contados a partir do día seguinte ao da publicación desta convocatoria no Diario Oficial de Galicia. 2. As solicitudes presentaranse obrigatoriamente por medios electrónicos a través do formulario normalizado dispoñible na Oficina virtual do persoal da Administración de xustiza (OPAX), no sitio web http://opax.xunta.es , accesible tamén a través da sede electrónica da Xunta de Galicia https://sede.xunta.gal 3. Para acceder ao formulario normalizado e presentar a solicitude, deberase dispor dun usuario rexistrado na OPAX e dun certificado electrónico cualificado (DNI electrónico, tarxeta de identificación de persoal ao servizo da