MESA SECTORIAL MADRID SOBRE AS MODIFICACIÓNS E REFORMAS DO REXISTRO CIVIL

Onte, día 6, a CIG participou nunha reunión telemática co Ministerio de Xustiza para abordar a reforma do Rexistro Civil. Nela confirmou que non se vai prorrogar o período de vacatio legis establecido na norma; a previsión é que a partir do 29 de abril de 2021, de maneira gradual, se traballe en comezar a posta en marcha coa formación do persoal.

Crearanse as seguintes oficinas:

- Oficina Central

- 431 Oficinas Xerais

- 180 Oficinas Consulares

- Oficinas colaboradoras prestando servicio en todos os concellos nos que non exista unha oficina xeral (7.700), onde tamén os concellos poderán dispor de conexión técnica para presentar solicitudes e documentación.

Estas  Oficinas abriranse gradualmente co personal actual e progresivamente iranse creando as RRPPT.

Comezarase polas Oficinas Xerais de Madrid e Barcelona, continuando polas dos RC exclusivos restantes co criterio de maior a menor poboación do partido xudicial. A etapa final serían a das Oficinas Xerais dos actuais RCP, contando con que se remate antes do final do ano 2022.

O Ministerio considera  necesario establecer un plan para a formación do persoal.