Saltar ao contido principal

O PORQUÉ DA CAMPAÑA DE RECOLLIDA DE DATOS ENTRE O PERSOAL DAS FISCALÍAS

Ultimamente moitas centrais sindicais estanse a apuntar ao carro da "recolección de datos persoais" das traballadoras/es da Administración de Xustiza, coas máis variopintas escusas. Agora acaba de tocarlle a quenda a UXT que, de súpeto, acórdase que ten unha sentenza do ano 2018, que anula as RPT's das Fiscalías, e lanza unha campaña de captación de datos entre as compañeiras/os destinados neses centros de traballo para, supostamente, solicitar con "exclusividade" a execución da dita sentenza e, facilitar con iso, a percepción dunhas cantidades determinadas en concepto de atrasos.

Coma sempre vos dicimos, hai que preguntar claramente que é o que se está a asinar e para que motivo se está a facer esa recolección de datos, a fin de evitar sorpresas e creación de expectativas positivas que logo acaban por non cumprirse ou non o son tanto como se publicita.

1) Cabría preguntarse como unha sentenza do ano 2018 aflora agora, case tres anos despois, para formular unha suposta execución da mesma.

2) Tamén é importante saber que as reclamacións económicas á Xunta poden facerse ata 5 anos atrás, polo tanto, segundo a propia nota informativa da central sindical, xa se estaría a perder un ano da suposta reclamación, pois só podería chegarse ata abril de 2016 (salvo interpretación dos prazos por mor do estado de alarma).

3) As sentenzas só poden executarse nos seus propios termos e, esta sentenza (podes consultala na ligazón) é meramente declarativa, e dicir, fixa a nulidade da RPT das Fiscalías aprobada no ano 2015. 

4) Como en xullo de 2020 a administración autonómica modificou a RPT e xa adaptou a mesma ao esixido polo TSXG, máis nada se pode pedir na execución da sentenza referida.

5) En todo caso, quedaría por avaliar se agora cabería a posibilidade de realizar algún tipo de reclamación individual  (que seguramente rematará no xulgado do contencioso-adminsitrativo), unha vez estudada a viabilidade de dito recurso, si é que a ten. Para este recurso no fai ningunha falta pretender a execución da sentenza referida, se non presentar, no seu caso, unha reclamación individualizada.

6)  Por todo iso esta campaña de recollida de datos por parte da UXT non ten moito sentido, más alá de facerse cos mesmos, nun intento de querer acadar afiliación a través dunha especie de "trampantojo" no que, cun engano "visual", convencer as traballadoras/es da Administración de Xustiza galega de ser eles os únicos que poden levar adiante dita reclamación, cando é evidente que iso non é así.

Ligazón sentenza TSXG:

https://drive.google.com/file/d/1xAW-eAGFFtEMy-MSutZeaF6V2aCekWbR/view?usp=sharing


Comentarios

Publicacións populares deste blog

MESA SECTORIAL MINISTERIO - VINDEIRAS OPOSICIÓNS

A CIG ven de participar na Mesa Sectorial do Ministerio de Xustiza, xunto cos sindicatos representativos do sector (Ccoo, Ugt, Ela, así como os corporativos Csif e Staj). Nela tratouse a primeira valoración da Lei 20/2021 e o seu impacto na OEP 2019 e seguintes da Administración de Xustiza. O Ministerio de Xustiza xa está a tratar o tema coas distintas CCAA con transferencias na materia posto que a cada unha lle afecta en maior o menor medida. Respecto da promoción interna non lle ven posibles afectacións. Dende a CIG reclamamos a recuperación do 50% das prazas para a PI, así como unha convocatoria extraordinaria que permita recuperar as prazas perdidas. Como a norma afecta de xeito diferente a cada OEP, o Ministerio entende que non se poderán acumular entre elas, pero de atopar o xeito de facelo optarán por esta vía que será a máis áxil. O Ministerio entende que para a OEP do 2019 xa deberían ofertar polo sistema de concurso aquelas prazas que leven ocupadas con carácter temporal de f

TOMA DE POSESIÓN DO NOVO SECRETARIO DE GOBERNO DO TSXG

O Secretario Nacional do Sector de Xustiza da CIG, Óscar Freixedo, e a Secretaria de Saúde  Laboral, Chelo Rodríguez, acudiron no día de onte, a tendendo ao convite da Ministra de Xustiza, á toma de posesión en Madrid do novo Secretario de Goberno do Tribunal Superior de Xustiza de Galiza, Juan José Martín Álvarez, ata fai uns días Director Xeral de Xustiza. Óscar e Chelo trasladáronlle ao novo Secretario de Goberno do TSXG o seu compromiso co diálogo e a colaboración, asi como a dispoñibilidade do Sector de Xustiza da CIG para mellorar as condicións laborais das traballadoras e traballadores da xustiza galega e do servizo público que atenden.

ANUNCIO DA CONVOCATORIA DAS BOLSAS DE PERSOAL INTERINO DE XUSTIZA

No DOG do 8 de febreiro publicouse a RESOLUCIÓN do 28 de xaneiro de 2022, da Dirección Xeral de Xustiza, pola que se convocan bolsas de traballo de persoal interino dos corpos xerais ao servizo da Administración de xustiza en Galicia (código de procedemento XU700A). 1. O prazo de presentación de solicitudes será de quince (15) días hábiles (ata o 1 de marzo) , contados a partir do día seguinte ao da publicación desta convocatoria no Diario Oficial de Galicia. 2. As solicitudes presentaranse obrigatoriamente por medios electrónicos a través do formulario normalizado dispoñible na Oficina virtual do persoal da Administración de xustiza (OPAX), no sitio web http://opax.xunta.es , accesible tamén a través da sede electrónica da Xunta de Galicia https://sede.xunta.gal 3. Para acceder ao formulario normalizado e presentar a solicitude, deberase dispor dun usuario rexistrado na OPAX e dun certificado electrónico cualificado (DNI electrónico, tarxeta de identificación de persoal ao servizo da