A administración autonómica segue a poñer información importante sobre o manexo das aplicacións informáticas de xestión, a modo de pílulas informativas na intranet xudicial, na crenza de que todo o mundo le a dita intranet xudicial.
No canto de destinar os cartos existentes en formación para, precisamente, formar e capacitar as traballadoras/es da Administración de Xustiza no expediente xudicial electrónico e todo o que iso conleva, pois seguimos a realizar "cursilliños" para acadar o seguinte nivel da traxectoria profesional e manter contentas a aquelas centrais sindicais que a apoiaron no seu día.
A título de exemplo podemos ver na intranet, baixo o suxestivo título "Sabias que?", unha información que debía figurar como "Importantísima", xa que dela depende a realización de determinadas operacións esenciais para a consulta do expediente dixital electrónico. Quere isto dicir que, se non se emprega a Axenda de Sinalamentos de Minerva, pois non se poden realizar correctamente as consultas indicadas.
Utilizar a Axenda de sinalamentos de Minerva fai posible:
- A consulta dos sinalamentos e do procedemento dende o calendario do Visor.
- A visualización das gravacións de eFidelius no Visor.
- A descarga das gravacións de eFidelius na Sede Xudicial Electrónica por parte dos/as profesionais.
Comentarios
Publicar un comentario