Hoxe foi publicada a RESOLUCIÓN do 30 de setembro de 2021, da Dirección Xeral de Xustiza, pola que se convocan a concurso de traslados prazas vacantes entre funcionarios dos corpos e escalas de xestión procesual e administrativa, de tramitación procesual e administrativa e de auxilio xudicial da Administración de Xustiza.
Todas as solicitudes dos modelos V1, V2 e V3 confeccionaranse de forma telemática a través do asistente de inscrición.
Todas as funcionarias/os que participen no presente concurso de traslados entre funcionarios dos corpos de xestión, tramitación e auxilio polo ámbito da Comunidade Autónoma de Galicia deberán cubrir a solicitude por medios telemáticos entrando na web do Ministerio de Xustiza, no seguinte enderezo: https://www.mjusticia.gob.es/es/ciudadania/empleo-publico/concursos-traslados/concurso-de-traslados-ordinario-gestion-tramitacion-y-auxilio-2021
Unha vez que entren na devandita páxina, premerán na ligazón que aparece nela co nome «G.T.A. Concurso de traslados», entrarán no asistente de inscrición e o sistema guiaraos na confección da solicitude seguindo as instrucións que se lles irán indicando. Deben consultar o Manual do asistente de inscrición web publicado na dita páxina e, se teñen algunha dúbida, poden chamar ao teléfono de atención ao usuario 913 90 46 05.
O prazo de presentación de instancias será o comprendido entre os días 14 e 27 de outubro de 2021, ambos incluídos.
Ligazón asistente cubrir a instancia:
https://aplicacionainoa.justicia.es/asistenteinscripcion/GTA
Ligazón DOG:
https://www.xunta.gal/dog/Publicados/2021/20211013/AnuncioG0595-051021-0001_gl.pdf
Ligazón BOE:
https://www.boe.es/boe/dias/2021/10/13/pdfs/BOE-A-2021-16553.pdf
Comentarios
Publicar un comentario