A CIG-Xustiza vén de se dirixir á Dirección Xeral de Xustiza, en demanda de que se consolide dunha vez, no cadro de persoal do Rexistro Civil de Riberia, a praza de reforzo existente do Corpo de Tramitación Procesual e Administrativa, antes de que finalice o actual período de vixencia do mesmo, en base a súa notoria necesidade estructural. A Dirección Xeral de Xustiza (DXX) ten previsto, para o día 13 de novembro, non prorrogar o actual reforzo da praza de tramitación do Xulgado de Primeira Instancia e Instrución nº 1 de Ribeira, que desenvolve as súas función no Rexistro Civil (RC). Esta decisión da administración autonómica responde á intención de evitar a consolidación dunha praza necesaria e estrutural, como así o demostra o feito de que nos últimos 11 anos veña sendo reiterada e sistematicamente cuberta por persoal interino de reforzo.
Ligazón escrito presentado:
https://drive.google.com/file/d/1n0UKL4KzB1eVbofeTtHcUiGlOYy9OLTG/view?usp=sharing
Ligazón nova:
Comentarios
Publicar un comentario