A semana pasada tivo lugar, por videoconferencia, unha mesa de negociación co Ministerio para abordar os textos da orde de convocatoria e do programa de acceso que nos foran remitidos semanas atrás.
Este sindicato reiterou as alegacións xa enviadas por correo electrónico, entre outras:
- a posibilidade de participar en ambas quendas (libre e interna)
- a realización do primeiro exame na sede do TSX de domicilio d@ opositor/a
- incremento de tempo de realización para as preguntas de reserva
- a posibilidade de alterar a orde de exposición dos temas.
- publicación, en ambas quendas, da distribución do número de preguntas por materias.
Asimesmo, incidimos na necesidade de cambiar o sistema de acceso, sobre todo na promoción, de xeito que se garanta a cobertura de todas as prazas ofertadas e que se eliminen temas xa esixidos para o acceso ao corpo de xestión.
Pola súa banda, o Ministerio afirmou que ía estudar as alegacións presentadas, estando disposto a asumir aquelas que considere “factibles”.
Sobre o cambio de sistema, manifestou que, de cara ao 2030, se está a traballar nunha remodelación de todo o sistema de acceso á función pública, que elimine os exames meramente memorísticos para o acceso aos grupos "A", substituíndoos por exames prácticos, razón pola que non pensa modificar nada substancial nas dúas vindeiras convocatorias de LAX.
Ligazón folla informativa:
https://drive.google.com/file/d/1fphvIRYpVhixqGsueBgsNb_-imrJO2Et/view?usp=sharing
Comentarios
Publicar un comentario