A CIG rexeita a nova redacción do artigo cuarto da normativa de substitucións e solicita que se elimine o requisito dos seis meses en todo caso. Tamén solicitamos a eliminación dese requisito para as comisións de servizo, dado que estas posibilitan que xente destinada fóra de Galiza poida regresar antes; a persistencia deste requisito favorece a non cobertura das prazas
O posicionamento da CIG e a redacción proposta baseanse nos seguintes argumentos:
1.- Non se penaliza así só a aquelas persoas que por vontade propia renuncien ao posto, senón tamén, entre outras, a aquelas persoas que se moven nun concurso de traslados mentres non leven 6 meses no novo posto.
2.- Se o que se quere é penalizar á xente que cesa por vontade propia, só se precisa aplicar o xa disposto no artigo sétimo apartado 2 : “En todo caso, a renuncia a unha substitución, unha vez adxudicada esta, será penalizada coa imposibilidade de obter unha nova substitución durante o período dun ano”.
3.- Pode dar lugar a situacións dispares, como no exemplo seguinte:
Se estou nunha substitución e me dan no concurso, pero para a miña praza ou para a praza na que estou de substituta ven unha persoa de reingreso que toma posesión o primeiro día, eu ceso na substitución por incorporación do titular. Despois voume no concurso e xa non teño que estar os seis meses sen poder pedir outra. Mais se en vez de por reingreso a persoa que ven a ocupar a praza na que estou de substitución o fai nos prazos do concurso, eu terei que cesar antes da súa toma de posesión e, polo tanto, xa non poderei solicitar outra en seis meses.
Ligazón folla informativa:
https://drive.google.com/file/d/1XTQjDnhigNTt4oYxvFQjD9Wz6b1J4E4P/view?usp=sharing
Comentarios
Publicar un comentario