A CIG VEN DE ASINAR UN ACORDO CO MINISTERIO DE XUSTIZA PARA O DESENVOLVEMENTO DOS PROCESOS SELECTIVOS DAS OPE’s 2019 - 2020 - 2021 e 2022.
Promoción Interna:
Convocaranse antes de que remate o mes 402 prazas de XPA e 583 de TPA. Estas prazas son froito da acumulación das OEP 2019 (reposición e estabilización) e 2020 e 2021 (reposición). As condicións desta convocatoria son as mesmas que para as OPE’s 2017-18, polo que se inclúe a reserva de nota das aspirantes que superaran a fase de oposición.
Á OPE 2022 de promoción interna engadiránselle, cando menos, 565 prazas. Estas prazas corresponderían á convocatoria adicional e extraordinaria recollida no acordo subscrito en decembro de 2018 entre o Ministerio de Xustiza e CSIF, STAJ, CCOO e UGT; convocatoria que debería simultanearse cos procesos selectivos da OPE 2019 pero que, por desleixamento das asinantes, hoxe, a piques de caducar, non se iniciou o trámite preceptivo ante Facenda. Tal e como se reflicte no acordo deberán convocarse antes de abril de 2023 e, nas mesmas condicións das OPE’s 2017-18, salvo que desta volta as preguntas erradas non penalizarán.
Negociarase a modificación da LOPX (artigos 442 e 490) para a mellora das condicións da promoción interna. Dende a CIG, insistiremos na recuperación do 50%, incluíndo a promoción interna de XPA a LAX.
Quenda Libre:
OPE 2019 (440 XPA, 1017 TPA, 1043 AX e 47 MF) acumularase á estabilización da OPE 2022 (pendente de cuantificar). Reservarase a nota da fase de oposición das OPE’s 2017-18.
OPE’s 2020, 2021 (807 XPA, 846 TPA, 422 AX, 64 MF) e 2022 (pendente de cuantificar). Negociarase de xeito conxunto a data, o sistema selectivo e as bases da convocatoria aplicable a estes procesos selectivos.
Concurso de traslados:
Ábrese a posibilidade dunha convocatoria extraordinaria. Garántese tamén que as prazas teñan que ser ofertadas en concurso de traslados con anterioridade a poder ser ofertadas ás funcionarias/os que superen as OPE’s recollidas no acordo.
Ligazón folla informativa:
https://drive.google.com/file/d/1WXmU6eDQ6HIEB0FxM4Nt2udROmrj6E-O/view?usp=sharing
Ligazón Acordo:
https://drive.google.com/file/d/1r1yB_FJeu4yBZ1eVa01kHFfnB-C1l3ay/view?usp=sharing
Comentarios
Publicar un comentario