Non se sabe moi ben porque intereses espúreos unha praza de Tramitación de Ponteareas 2 ten que cubrise, si ou si, a través de comisión de servizos. Non queremos ser mal pensados, pero e que a decisión da administración autonómica esta cargada dunha parcialidade inaudita, que case está a rozar o tipo delictivo.
Ata este momento e, como consecuencia deste último concurso de traslados, en Ponteareas 2 había unha vacante no cadro de persoal. Dita praza saiu a comisión de servizos o pasado 30 de marzo de 2022. Ata aquí todo correcto e dentro da lexislación vixente. O que ocorre e que no día de hoxe retorna ao órgano unha Tramitadora titular que estaba en substitución no xulgado da Cañiza e, no canto de que dita Tramitadora ocupe a praza vacante existente e quede xa o cadro de persoal ao completo, a administración autonómica teima en manter a praza que sacou en comisión de servizos e forza o cesamento dunha das interinas existentes no órgano. No canto de dictar unha nova resolución quitando, por cuestións sobrevidas, a praza de Ponteareas 2 das ofertadas en comisión de servizos, o que fai a administración e tomar parte interesada e directamente a favor de quen poida solicitar dita comisión de servizos, cando na actualidade o cadro de persoal esta totalmente dotado e se estaría indo en contra do establecido na normativa vixente, pois a día de hoxe non habería vacantes nese órgano que tiveran que ser cubertas. Toda vez que as prazas de persoal interino nomeado en base ao artigo 18 da Orde de 4 de outubro de 2018 non son nominativas, o persoal interino non ten que cesar obrigatoriamente pola reincorporación dun titular concreto, se no órgano hai outra vacante que o titular pode ocupar, como sería o presente caso.
"O artigo 405 do Código penal, castiga á autoridade ou funcionario público que, no exercicio da súa competencia e a sabiendas da súa ilegalidade, propuxera, nomeara ou dera posesión para o exercicio dun determinado cargo público a calquera persoa sen que concorran os requisitos legalmente establecidos para iso, impoñendo unha pena de multa de tres a oito meses e suspensión de emprego ou cargo público por tempo dun a tres anos."
Que cada quen saque as súas conclusións.
Comentarios
Publicar un comentario