SUBSTITUCIÓNS. A DX aceptou varias das alegacións efectuadas por este sindicato, como eliminar o requisito dos 6 meses para participar ou adecuar as preferencias ao regulamento. Pero a CIG segue a demandar que tanto as substitucións como as comisión de servizo respecten o establecido nos arts. 73 e 74 do RD 1451/2005 en canto á orde de cobertura dos postos temporalmente desocupados.
Tamén solicitamos:
- Que non sexa obstáculo para acceder estar con permisos como o de maternidade ou paternidade.
- Que se manteña a preferencia por seis meses existente actualmente.
- Que nos postos singularizados abertos a máis de un corpo se retribúa en función do corpo da persoa á quen se está a substituir.
- Que se elimine o sistema de atribución de funcións e se creen os servizos comúns de auxilio ou, de xeito subsidiriario, que se retribúan todas as atribucións, tanto voluntarias como forzosas.
TRAXECTORIA PROFESIONAL. Agora escúdanse nos cambios na Xunta para explicar a dilación en abrir o acceso ao segundo grao. Ao parecer o luns aparecerá publicada a nova composición da Consellería, e esperemos que o tema vaia avanzando.
DATOS PERSOAIS EN LEXNET. Como consecuencia da nova versión de Lexnet son visibles os datos persoais dos funcionarios/as; este problema xa sucedeu cando se implementaron outras versións de Lexnet. A Dirección Xeral é consciente do problema e está en contacto co Ministerio para a solución do mesmo á maior brevidade posible.
BOLSA DE PERSOAL INTERINO. Contan que a baremación estea rematada este mes de maio.
PRAZAS DE NOVA CREACIÓN. As dos xulgados xa están aprobadas e ofertaranse en breve en comisión de servizos; en canto ás do Imelga e as Fiscalías, están pendentes de modificar a RPT.
DICIREG. Este ano está previsto empezar co seu despregue nos Rexistros civís exclusivos da A Coruña e Vigo, e despois ao resto de rexistros delegados do partido. Concretamente empezará unha formación en breve para os dous rexistros exclusivos.
Finalmente, o Director Xeral, Juan José Martín, despediuse porque deixa o
cargo e toma posesión como Secretario de Goberno. Dende a CIG dámoslle a benvida
ao seu novo posto e desexámoslle que sexa o máis fructífero posible para toda a
Administración de Xustiza de Galicia.
Ligazón folla informativa:
https://drive.google.com/file/d/1W54N5pnXk2o4f0imI-9uclr12vk1UpWa/view?usp=sharing
Comentarios
Publicar un comentario