O pasado venres a Dirección Xeral publicaba as listaxes definitivas de persoas admitidas e excluídas das bolsas de traballo de persoal interino dos corpos xerais da Administración de Xustiza. Na Resolución especificase que aquelas persoas que estean incluídas en bolsas de distintos corpos, ou en varias provincias da mesma bolsa, deberán seleccionar aquela única na que desexen quedar no prazo de 10 días hábiles (do 29 de agosto ao 9 de setembro) baixo pena de entender que desisten de todas as solicitudes no caso de non facelo.
Este sindicato considera que existen dúbidas en canto a aquelas persoas que non figuran nin nas bolsas de traballo nin nas de reserva, que segundo a literalidade da orde non teñen que escoller, quedando en todas as listaxes nas que figuran como “baremadas”. Sen embargo é moi posible que, coas escollas e as renuncias, persoas que agora figuran baremadas pasen a formar parte das bolsas definitivas.
Por este caso remitimos o presente para que por parte desa Dirección Xeral se aclare publicamente que sucederá con esas persoas que, por non formar agora parte das bolsas, non escollan na que queren quedar, porque dende logo o que non pode ser é que as exclúan e a norma tampouco contempla como proceder neste caso.
Ligazón:
https://drive.google.com/file/d/1jJyX2Awwwo64ApcpYyZJpI4_CTOeLFBg/view?usp=sharing
Comentarios
Publicar un comentario