Saltar ao contido principal

O NOVO DIRECTOR XERAL: EXISTE OU É UNHA REALIDADE VIRTUAL?

Dende que tomou posesión a mediados de xuño, o señor Tronchoni non tivo a ben presentarse, nin persoal nin telefonicamente, ante a CIG, primeira forza sindical do país. E por suposto tampouco convocou ningunha mesa de negociación. 

Esta situación non nos parece de recibo e asómbranos porque non estamos afeitos. Xa non esperabamos que nos recibise o señor Conselleiro (que debería) como tampouco fixo Rueda, quen non asistiu nin a unha soa mesa de negociación (iso si, na folga, por detrás, alguna reunión tivo) pero o Director Xeral, polo menos, debería presentarse ante todas as OOSS. 

Queremos decirlle ao señor Tronchoni que se ten dúbidas de como se recibe a esta forza sindical cando se chega a un cargo que llo pregunte á Ministra Pilar LLop e @s que a precederon: Gallardón, Rafael Catalá, Dolores Delgado e Juan C. Campo. Porque nese ámbito tamén participamos en mesas de negociación. 

De paso solicitamos que se convoque de maneira urxente unha reunión para tratar todos os temas que quedaron pendentes coa anterior Dirección Xeral, que son abondo. Achéganse tempos de cambios con  importantes reformas lexislativas para esta Admón. e o Sector de Xustiza da CIG ten moito que dicir e achegar en todo o proceso de negociación desas reformas, e así o fará, na defensa d@s traballador@s da xustiza galega e dos servizos públicos. 

CIG-Xustiza sempre estivo e estará aberta ao dialogo e consideramos fundamental que o novo Director xeral, antes de abordar as negociación pendentes e futuras, coñeza de primeira man cales son os nosos puntos de vista e reivindicacións con respeto á Administración de Xustiza en Galiza. Ao pé da nota, coma sempre, os nosos teléfonos.

Ligazón folla informativa:

https://drive.google.com/file/d/1aZSfM4N5qs69i4NBORnyMGZkwfOcBZXg/view?usp=sharing

Comentarios

Publicacións populares deste blog

MOBILIZACIÓNS EN MADRID SOBRE NEGOCIACIÓN DA LOEO, DETALLE DE FUNCIÓNS E MELLORAS SALARIAIS

  As/os delegadas/os da CIG Xustiza estiveron esta mañá na concentración convocada diante do Ministerio en Madrid apoiando as mobilizacións que se están a levar a cabo solicitando a paralización da tramitación da LOEO, unha regulación máis detallada das funcións dos distintos corpos así como un aumento salarial acorde a esas funcións.

NOVOS PERMISOS FAMILIARES EBEP

Mentras non se mude a OPAX haberá que facer a petición dos permisos a través dos modelos que vos deixamos na ligazón. Ligazón folla informativa e modelos: https://drive.google.com/file/d/1MPr5QqScvQRMwysy7gh6SzErzD0lrRKo/view?usp=sharing

MANIFESTACIÓN EN MADRID REIVINDICANDO MELLORAS NA LOEO, FUNCIÓNS E RETRIBUCIÓNS

Manifestación en Madrid sobre reclamación de melloras na negociación da LOEO, detalle de funcións e melloras retributivas para todo o estado.