GARDAS 24 HORAS:
Na Comisión mixta do pasado venres confirmouse a creación de tres novos xulgados para o 2023 (os primeira instancia nº 6 de Lugo, o nº 15 de A Coruña e o 16 de Vigo) cun total de 24 prazas de persoal de corpos xerais. A Xunta non perdeu a ocasión para amosar a súa mezquindade argumentando que, como a prioridade é crear novos xulgados para aliviar a carga de traballo dos órganos con máis asuntos, non vai instaurar as gardas de 24 horas para A Coruña e Vigo. É o eterno “divide e vencerás”.
Un noxo, sobre todo cando no mesmo acto volve facer propaganda de gastar milleiros de euros na dixitalización ou no expurgo cando na Administración galega ven sendo ata o de agora unha entelequia. Así que polo de agora e, se cadra mentres non lle interese electoralmente, a Xunta deixou claro que vai facer caso omiso aos informes favorables do Ministerio e o CXPX ao cambio de sistema de gardas na Coruña e Vigo.
IMELGA:
Despois de que a CIG xa denunciara en novembro de 2021 a situación do IMELGA e a pretensión de externalizar realizando convenios de colaboración cos colexios profesionais de psicoloxía e traballo social, o Director Xeral recoñeceu en sede parlamentar un “atraso puntual” e ofreceu o reforzo de equipos e a contratación de interinidades, pero a día de hoxe nada diso se produciu. Ate o Presidente do TSXG na apertura do ano xudicial reclamou diante do director xeral o incremento de equipos técnicos por considerar que o atraso non é coiuntural senón que é unha necesidade estructural que non pode resolverse con convenios de colaboración senón coa creación de novos equipos nas distintas subdelegacións.
Pero aínda así, na Comisión mixta do venres, o Director Xeral, lonxe de escoitar as demandas do TSXG, dos sindicatos e dos profesionais, saca peito de ter pagado horas extras a 23 persoas e de estar traballando nun convenio co colexio de psicoloxía para a elaboración de informes psicolóxicos no ámbito de familia. Esta é a única solución que ofrece aos atrasos de ata dous anos que sofren, por exemplo, na subdirección de Compostela ou na de Pontevedra.
A CIG esixe unha inmediata actuación que só pasa pola creación de novos equipos psicosociais estables e profesionais.
Non á desprotección das persoas máis vulnerables e necesitadas!!!
Ligazón folla informativa:
https://drive.google.com/file/d/1qO7PN-KqL4tr9Xi_sKaiR4oSrGyqCSA8/view?usp=sharing
Comentarios
Publicar un comentario