A CIG ven de asistir á Mesa sectorial na que se tratou sobre un novo proxecto de Traxectoria Profesional.
Como nos esperabamos foi un mero trámite, xa que a DXX ten escaso marxe de manobra sobre este asunto e acabarásenos impondo nos mesmos termos nos que se acorde para o persoal da Xunta, feito que o abala a presenza do Subdirector Xeral de Desenvolvemento e Avaliación Profesional da Dirección Xeral de Función Pública.
Aínda así, o DXX emprazounos a que remitamos as alegacións que estimemos oportunas antes do mércores da semana que ven.
Dende a CIG presentaremos as oportunas alegacións xa que observamos moitas eivas no borrador:
- Non queda garantido o acceso de todo o persoal que acumule os servizos prestados requiridos para cada grao, xa que teñen que ser continuados ou ininterrompidos. Que pasa coas excedencias por agrupación familiar, co persoal interino,...?
- Para acceder ó grao I hai que agardar cinco anos no grao inicial (sen retribuír) con independencia do tempo que teñas de servizos prestados.
- Só se lle mantén o grao I a quen o teña adquirido por recoñecemento administrativo ou sentenza, deixando na cuneta ás mesmas compañeiras que no acordo anterior.
- Esixen estar en servizo activo un día concreto (31.12.2021) para o acceso extraordinario ós graos I e II, polo que as persoas que reúnen os requisitos e que non se atopaban traballando nalgunha praza da Administración de Xustiza en Galiza ese día tampouco poden optar.
- Seguen a discriminar os corpos de Xestión P.A. e Médicos Forenses, xa que non poden acceder de xeito extraordinario ata un ano despois que o fagan os Auxilios Xudiciais e Tramitadores P.A.
- Os pagos dos graos de acceso extraordinario dilátanse a tres anualidades e sempre “en función das dispoñibilidades orzamentarias”, polo que hai corpos que non cobrarán o 100% ata 2025 no mellor dos casos.
CAT: Na nómina do mes que ven, efectuaráselle o pago ós MF e XPA con efectos retroactivos de primeiros de ano.
Novas RPTs no Imelga e Fiscalías: Darán traslado das mesmas na próxima mesa sectorial que se convoque.
OEP Lei 20/21: Están afectadas e convocaranse por concurso de méritos tres prazas de Auxilio Xudicial (A Fonsagrada, Ribeira 2 e SCNE de Pontevedra) e 34 de Médicos Forense (das que 11 tamén se convocarán por concurso de méritos).
Teletraballo: Seguiremos coa mesma normativa ata que se distribúan os medios materiais. De momento hai 1700 ordenadores portátiles (700 xa se instalarán no novo edificio de Vigo e o resto teñen previsto distribuílos en breve pero aínda non decidiron as directrices de reparto). Os ordenadores portátiles intalaranse en “doking station” cun teclado externo e polo tanto levarán conectadas dúas pantallas e, a do portátil, sempre estará pechada. Dese xeito o portátil poderá ser levado para teletraballar no domicilio do funcionario.
Equipos psicosociais: Reiteramos o pedimento de dotación de máis equipos psicosociais e o DXX indicou que se dotarian ata 7 novos equipos de reforzo, se pagarían horas extra, se favorecería a acumulación de tarefas e finalmente se intentaría un convenio co colexio de psicólogos.
Protocolo de acoso laboral: Solicitouse que dunha vez por todas se puxera en marcha o protocolo de acoso laboral na Administración de Xustiza de Galiza e o DXX comprometeuse a que en viderias datas, unha vez concluída a negociación da traxectoria profesional, o seguinte tema a solucionar sería este.
Ligazón folla informativa:
https://drive.google.com/file/d/1pch2TJV2mkouRQk-a8MyE3HQJ4hjzCgO/view?usp=sharing
Comentarios
Publicar un comentario