Na Mesa sectorial convocada para hoxe polo Ministerio, este facilitou información importante sobre distintos aspectos que vos pasamos a relatar:
CONVOCATORIA OPOSICIÓNS OEP 20-21-22
O Ministerio xa ten o visto bo de Función Pública e contan publicala a mediados de novembro. A intención é darlle posesión á xente aprobada a finais do 2023, despois dos da PI convocada e da PI pendente de convocar.
Respecto das prazas de forenses, Galiza é unha das tres comunidades autónomas que faltan por comunicar o número de prazas que queren. O mesmo sucede para o concurso de traslados dese corpo
EXAMES PROMOCIÓN INTERNA
Teñen intención de publicar as notas en breve (non máis aló de 15 días) e mañá mesmo publican a resolución das impugnacións.
Sobre a incidencia do exame de PI de XPA en Galiza, recoñecen que o enviaron por correo electrónico porque non había empresa contratada. Os correos foron encriptados, abríronse ás 8:00 e imprimíronse; despois metéronos nun sobre individual (que non precintaron). A xerente elaborará un informe sobre o sucedido, informe do que solicitamos que se nos dera traslado.
CONCURSO DE TRASLADOS
Están con incidencias, pensan que a finais de novembro poden sacar as provisionais. As tomas de posesión estarian previstas para xaneiro.
ABONO DE DIETAS PARA EXAMES DE PI
No Ministerio entenden que non é un caso idéntico ao de AXE que deu lugar a unha sentenza do Supremo e polo tanto non van abonalas voluntariamente. Xa teñen reclamacións e recursos interpostos e quedan á espera do que digan os tribunais.f
Ligazón folla informativa:
https://drive.google.com/file/d/1sgsy5Ds8qOPqy3fOC94GZE5LdxOWJnej/view?usp=sharing
Comentarios
Publicar un comentario