Publicouse no BOE a Orde JUS/1254/2022, do 7 de decembro, pola que se convoca proceso selectivo para acceso pola quenda libre, aos Corpos de Xestión Procesual e Administrativa, Tramitación Procesual e Administrativa e Auxilio Xudicial da Administración de Xustiza, correspondentes as ofertas de emprego público dos anos 2020, 2021 e 2022.
A diferenza dos últimos procesos nos que se aplicou o sistema selectivo de concurso-oposición
(dada a natureza extraordinaria desas ofertas de 2017, 2018 e 2019, nas que se combinaban prazas de reposición coas de estabilización), na presente convocatoria o sistema de ingreso é o de oposición.
Na presente convocatoria, sen prexuízo doutras medidas que poidan adoptarse para conseguir a axilización nos procesos selectivos, concentraranse os diferentes exercicios de cada un dos procesos no mesmo día, pero en día diferente para cada un dos Corpos funcionariais.
Quen desexe participar neste proceso selectivo deberán cumprimentar o modelo oficial de solicitude de admisión a probas selectivas na Administración Pública (modelo 790-Código 007 en cuxa parte superior figura «Solicitude de admisión a probas selectivas da Administración Pública e liquidación da taxa de dereitos de exame»), que estará dispoñible no punto de acceso xeral (www.administracion.gob.es), en castelán e nas demais linguas oficiais das Comunidades Autónomas. As Comunidades Autónomas que oferten prazas poderán crear unha ligazón desde as súas respectivas páxinas web a este formulario.
A presentación da solicitude electrónica realizarase no prazo de vinte días hábiles contados a partir do seguinte ao da publicación da presente Orde no «Boletín Oficial do Estado», e dirixirase á Secretaría de Estado de Xustiza. A non presentación da mesma en tempo e forma supoñerá a exclusión do aspirante.
A presentación e o pago da correspondente taxa realizaranse por vía electrónica, a través do servizo de Inscrición en Procesos – Probas Selectivas do punto de acceso xeral, http://administración.gob.es/pag/ips, ao que se pode acceder directamente ou a través do portal web do Ministerio de Xustiza, www.mjusticia.gob.es (Cidadáns-Emprego público), de acordo con as instrucións que se indican.
As persoas aspirantes que estean exentas do pago da taxa ou teñan dereito á redución desta, achegarán en formato electrónico a documentación acreditativa da redución ou exención.
Taxa de dereitos de exame. O importe da taxa por dereitos de exame será:
a) Para o Corpo de Xestión Procesual e Administrativa de 23,33 euros (11,67 euros en caso de dereito a redución do 50 por cento).
b) Para o Corpo de Tramitación Procesual e Administrativa de 15,57 euros (7,79 euros no caso de dereito a redución do 50 por cento).
c) Para o Corpo de Auxilio Xudicial de 11,66 euros (5,83 euros no caso de dereito a redución do 50 por cento).
Ligazón BOE:
https://www.boe.es/boe/dias/2022/12/19/pdfs/BOE-A-2022-21485.pdf
Comentarios
Publicar un comentario