Abriu a Mesa Sectorial o Secretario Xeral para a Innovación e Calidade do Servizo. Comezou cunhas palabras de acercamento, chegando a afirmar que desexaban a paz social para continuar coa tramitación do proxecto. Ofreceu a ampliación dos prazos recollidos na DT 4ª sobre a imposición das RPT'S e incluír unha cláusula adicional que recolla a preceptiva negociación. Tamén compareceu a Directora Xeral para o Servizo Público de Xustiza.
Aínda así, consideramos que non son suficientes as garantías ofrecidas nin tampouco se recollen gran parte das nosas reivindicacións, como son garantir o mantemento dos actuais centros de destino ou recoller o pagamento do 100% nas substitucións, entre moitas outras.
A Administración afirma que acolle a nosa petición da recuperación do 50% para a promoción interna.
Mentres non haxa un paso máis claro por parte do Ministerio cara o comezo da negociación real ou a paralización da tramitación do proxecto, continúamos o calendario de mobilizacións acordado polas organizacións sindicais presentes na mesa CIG, CSIF, STAJ, CCOO e UGT.
ESTE VENRES 16 DE DECEMBRO ÁS 11:00 NOS XULGADOS DA CORUÑA, ACUDE Á CONCENTRACIÓN POR UNHA NEGOCIACIÓN REAL DA LOEO E DAS NOSAS CONDICIÓNS DE TRABALLO.
Ligazón folla informativa:
https://drive.google.com/file/d/1-dqv8HK83dv1v4M-YQtWWSzQ_5JUDPLq/view?usp=sharing
Comentarios
Publicar un comentario