En outubro de 2020 unha afiliada interina solicitou o recoñecemento do grao I da traxectoria profesional, tendo que recorrer vía contenciosa trala desestimación por vía administrativa. O TSXG estimou a súa pretensión en xuño de 2022.
O pasado mes de novembro procedeuse pola D.X. á apertura do prazo para a solicitude do Grao I para todo o persoal e do Grao II para o de tramitación e auxilio que xa tivese recoñecido o I. A compañeira solicitou o recoñecemento do Grao I “ad cautelam”, dado que a sentenza aínda non tiña sido executada e era o único que lle permitía realizar a opax e, á vez, o Grao II (por sede electrónica), dado que sería o que lle correspondería de terlle sido recoñecido o Grao I no seu momento.
En decembro de 2022 recoñéceselle o grao I con efectos económicos do 01.01.2022, séndolle abonados en xaneiro do 2023. Pero este pasado 17 de febreiro a D.X. emitiu unha resolución na que non só substitúe ese recoñecemento outorgando efectos dende o 01.01.2020, dous anos antes, executandose así a sentenza ditada, senón que lle recoñece directamente tamén o Grao II con efectos dende o 01.01.2022.
Todo isto foi grazas ás xestións da CIG, que primeiro instou as reclamacións administrativas e xudiciais en 2020 do grao I, e despois solicitou á D.X. que facilitara o recoñecemento do grao II a aquelas persoas pendentes de sentenza ou execución. De non terse feito así, habería que acudir á base décimo primeira do Acordo que establece que o Grao II se solicitará no prazo dun mes dende a firmeza da sentenza.
Ligazón folla informativa:
https://drive.google.com/file/d/1Ynl8IBFYvtvPPz2KwA5hCb9ssxkmUlUw/view?usp=sharing
Comentarios
Publicar un comentario