O Ministerio citounos na mañá do luns 6 de marzo para abordar certas
cuestións sobre a regulación e funcionamento tanto da vindeira
bolsa ordinaria de substitucións como da extraordinaria ou urxente do corpo de LAX.
Nese sentido, con respecto á primeira, aclarouse:
- que a preferencia do persoal do corpo de xestión será durante toda a vixencia das bolsas e non só no primeiro chamamento.
- que quen cese se incorporará ao final da lista por orde cronolóxico de cesamento, salvo que non teña completado catro meses de servizo entre todos os destinos; nese caso volverá ocupar o posto que lle correspondía antes do nomeamento.
- que cando se produzan vacantes na lista principal, cubriranse coas integrantes do cupo de reserva ata completar o número total de prazas.
En canto ás bolsas extraordinarias ou de urxencia, estableceuse:
- que se ordenarán incluíndo primeiro ás persoas solicitantes que pertenzan como funcionario titular do corpo de xestión procesual e administrativa, e dentro destes seguiranse os seguintes criterios:
1º maior experiencia de LAX
2º quen teña máis exercicios aprobados
3º quen teña máis antigüidade de xestión
4º por orde alfabética, comezando pola letra “U”.
- despois ordenaranse o resto de persoas solicitantes que cumpran os requisitos, salvo que se estime que non será preciso recorrer a eles/as por existir solicitudes abondo de persoal do corpo de xestión.
- poderase rexeitar o chamamento para cubrir prazas dun determinado partido xudicial da provincia, non volvendo a ser chamado para ese caso.
O Ministerio espera poder contar coas listaxes das bolsas de urxencia para este mes de marzo.
Ademais disto, volveuse a tratar a necesidade de reformar o Regulamento orgánico do corpo de LAX e tamén o 1451/2005, sobre todo no dereito á reserva de praza do persoal de xestión que accede a un nomeamento de LAX substitut@, sendo o Ministerio favorable a unha regulación menos prexudicial á hora do reingreso.
Ligazón folla informativa:
https://drive.google.com/file/d/1VypoU3gQ4tt_kbaaI-hznMR9yNxWmza9/view?usp=sharing
Comentarios
Publicar un comentario