Saltar ao contido principal

MESA SECTORIAL DE MADRID - OFERTA DE EMPREGO PÚBLICO E FOLGA DAS LETRADAS/OS

O mércores 1 de marzo celebrouse en Madrid unha Mesa sectorial do Ministerio cos seis sindicatos con representación nela (CIG, ELA, UGT, CCOO, STAJ e CSIF) para abordar a próxima convocatoria de 144 prazas de LAX, entre promoción libre e interna, correspondentes á oferta de emprego público de 2022, así como para falar da folga que membros dese corpo están a levar adiante.
En canto á OEP, reiteramos o noso rexeitamento á proporción de prazas para promoción interna. Xa a a reserva do 30% recollida na LOPX para esa quenda nos parece insuficiente, e é por iso polo que na negociación da LOEO estamos pulando polo seu aumento a un 50%; pero é que nin esa porcentaxe se reserva, porque do total de 144 prazas ofertadas só saen 33 a promoción interna, o que supón un 23 %, porque non contabilizan tomando como base o total senón facendo xa o desconto, é dicir, o 30% das 111 para quenda libre.
Debe modificarse xa ese artigo 490.2 da LOPX para que se aumente a un 50%, cunha redacción que garanta que esa cifra sexa real.
Por suposto volvemos pedir que se elimine a proba oral como segundo exercicio e que, en todo caso, se substitúa por unha proba escrita de carácter práctico. Na Administración Xeral do Estado xa case non queda ningunha proba de acceso por promoción interna a grupos A1
nos que exista exame oral. Ademais, existe un acordo asinado cos sindicatos na AXE para asegurar que a promoción interna sexa efectivamente un dereito á promoción profesional. Porque en Xustiza, con respecto ao corpo de LAX, nin temos ese dereito nin temos un concurso oposición como tal. E aí están os datos: na convocatoria do 2021 de p.i., aínda en curso, das 92 prazas de turno xeral cubríronse 58, e das 6 para persoas con discapacidade só 2 aprobaron. Ao remate do proceso, só o 12% das prazas de LAX da OPE se cubrirán por persoal do corpo de xestión.   

Finalmente solicitamos que non se impida concorrer na mesma convocatoria pola quenda libre e a interna, como está a acontecer. 

En canto á folga, houbo comunicación cruzada entre o Ministerio e as OOSS. Eles contáronnos o que está a suceder nas reunións co comité de folga, as súas pretensións e as contestacións que a iso ofrece o  Ministerio. E as organizacións comunicámoslle que é o que está a pasar no día a día dos órganos xudiciais durante estas xornadas. Son coñecedores de que se están a producir situacións claramente ilegais (dito por eles) e que van tomar medidas ao respecto. Dende logo, o que manifesta o Ministerio é que en todo momento lle fai saber ás convocantes que os escoitan pero que os/as legais representantes tanto de LAX como de corpos xerais e especiais somos as organizacións sindicais presentes nesta mesa, e que
ningún acordo pode ser posible sen que pase por ela. A CIG recordoulle ao equipo ministerial que esta situación ven dada por unha mala xestión pola súa parte das reivindicacións dende un principio, permitindo a súa canalización do xeito inadecuado. E tamén lle recordamos que a eliminación dos grupos de poboación e a posta en marcha da carreira profesional son reivindicacións históricas das OOSS para todos os corpos, e que non se poden desvincular
uns dos outros, polo que non asinaremos ningún acordo que non pase por recoller así esta cuestión.  Administración é moi consciente diso polo que nos trasladou que ve moi difícil a resolución do conflito cos LAX, posto que non é unha cuestión nin dese corpo nin tampouco dese Ministerio porque necesitan a aprobación na Mesa sectorial e tamén de Facenda que, en todo momento, se opuxo a un incremento salarial a maiores dos xa
efectuados.
En canto aos Letrad@s do Rexistro Civil, que agora pasan a ser Encargad@s, o Ministerio estudia a posibilidade de retribuírlles os mesmos complementos que aos/as maxistrados/as “saíntes” no caso de seren exclusivos, e no resto barállase a exención de reparto en materias
como monitorios, x. Voluntaria, ETNX....

Ligazón folla informativa:

https://drive.google.com/file/d/1nSxpDQ013KH5x0zcFpG6ISZ_rD633ULX/view?usp=sharing

Comentarios

Publicacións populares deste blog

COMUNICADO DA CIG ANTE A FOLGA DE XUSTIZA

Ante a información aparecida na prensa no día de hoxe sobre o anuncio por parte de varias organizacións sindicais dunha convocatoria de folga na Administración de Xustiza queremos precisar:   - Que a CIG apoia as mobilizacións que se produzan reivindicando un aumento retributivo para todos os corpos, así como o recoñecemento das funcións reais de cada un deles.   - Que apoiamos, como fixemos ate o de agora, a solicitude dunha negociación real da LOEO co Ministerio, instando a que se paralice a súa tramitación mestres esta non se produza.   - Que, en virtude diso, apoiamos e participaremos na concentración de delegados e delegadas prevista para o día 12 de abril en Madrid e todas aquelas que neste senso se produzan.   - Que a CIG non convocará folga indefinida na Administración de Xustiza en Galicia; está aínda moi recente o acontecido na folga do 2018, con consecuencias nefastas para tod@s e pensamos, porque así tamén nolo transmiten os compañeiros e compañeiras, que non debemos unirno

MOBILIZACIÓNS EN MADRID SOBRE NEGOCIACIÓN DA LOEO, DETALLE DE FUNCIÓNS E MELLORAS SALARIAIS

  As/os delegadas/os da CIG Xustiza estiveron esta mañá na concentración convocada diante do Ministerio en Madrid apoiando as mobilizacións que se están a levar a cabo solicitando a paralización da tramitación da LOEO, unha regulación máis detallada das funcións dos distintos corpos así como un aumento salarial acorde a esas funcións.

NOVOS PERMISOS FAMILIARES EBEP

Mentras non se mude a OPAX haberá que facer a petición dos permisos a través dos modelos que vos deixamos na ligazón. Ligazón folla informativa e modelos: https://drive.google.com/file/d/1MPr5QqScvQRMwysy7gh6SzErzD0lrRKo/view?usp=sharing