Este 9 de de marzo celebrouse Mesa Sectorial, cunha ampla orde do día, pero só con algunhas decisións firmes.
Protocolo de Acoso.- A parte social aceptamos o borrador que se presentou de novo cunha modificación, que foi a de retirar do documento que a D.Xeral cualifique, se se cumpren os criterios para ser considerado un caso de acoso, de xeito previo á fase de investigación, e co compromiso da Admón, a petición da CIG, de presentar o máis axiña posible un borrador de acoso sexual e por razón de sexo, que se uniría a este aprobado e conformaría un protocolo máis completo, ademáis do Plan de Igualdade.
Xulgados de Violencia.- Como onte foi 8 de marzo e tocaba facer declaracións a prol da muller, o Sr Rueda saíu na prensa para propoñer a creación dun xulgado exclusivo de Violencia para Santiago, que abranga as comarcas de Padrón, Negreira e Ribeira. Mentres tanto non hai demasiada proposta para que nos xulgados con competencia en violencia se amañe algo. Fixéronse propostas de horas extras, prolongacións semanais e a creación de dous xulgados en Vigo e na Coruña para poder facer unha garda. Outra proposta que fixo a Admón, e que a CIG apoiou, foi instar á Sala de Goberno para que se cumpran as normas de reparto e solicitar que non se remitan detidos máis alá das 13:00 horas.
Esperamos que na vindeira mesa se traian propostas en firme para aminorar no posible a situación que sofren os Xulgados de VIOXEN.
Formación.- Despois da petición reiterada de formación para o persoal, tanto titular como interino, que chega de novo a un xulgado sen coñecementos, a Xunta aceptou pagar prolongacións de xornada ao compañeiro/a ou compañeiros/as que o soliciten mediante o/a LAX. A CIG solicitou tamén que os escáneres dos Rexistros Civís sexan máis pequenos e
axeitados ao traballo para o que se precisan.
INFORMACIÓN DO DIRECTOR XERAL:
Na Conferencia Sectorial co Ministerio tratáronse varios temas, entre eles:
- a dixitalización do R.Civil en cooperación co Ministerio.
- en canto a un posible plan de actuación cando remate a folga de LAX, a DX di que
se o Ministerio non o contempla tampouco o farán eles, porque xa o pagaron cando foi a folga de corpos xerais, para o que non recibiron, segundo eles, axuda do Ministerio.
- a creación dun protocolo de servizos dixitais entre o Ministerio e as CCAA para non
ter que estar entrando e saíndo dos diferentes programas á hora do seu emprego.
- na DX supoñen que o vindeiro ano o Ministerio autorizará a creación de 3 órganos
xudiciais, xa que se prevé a creación de 70 órganos en toda España; por parte da
Xunta se reiterarán os do ano pasado e o de Violencia de Compostela.
- comunicounos que se reunirá próximamente con AMTEGA para facer o reparto dos ordenadores portátiles que xa hai porque non é capaz de facelo a través das Secretarías de Coordinación.
- vanse dixitalizar todas as salas de vistas de Galiza.
- sobre as obras na Parda, estanse a realizar no soto, planta baixa e entreplanta.
- en canto a apertura do grao ordinario da traxectoria profesional, parece ser que a Xunta vai a modo e están a negociar as bases xerais da avaliación do desempeño, e mentres non rematen e establezan un sistema Xeral, vai ser difícil abrilo.
Ligazón folla informativa:
https://drive.google.com/file/d/18OyqRRpMqdRrYDbHyFHay-Ut3q91EDQZ/view?usp=sharing
Comentarios
Publicar un comentario