A CIG ven de reiterar a denuncia que fixo o pasado 23 de novembro de 2022, na que se comunicaba a filtración de auga polo tellado da Audiencia Provincial de Pontevedra, debido ás choivas e á falta de mantemento do mesmo. No seu día colocouse unha bolsa negra, a fin de evitar as filtracións de auga na cuberta do tellado da Audiencia, á que se lle puxo un ladrillo, a modo de contrapeso. Este sistema artesanal, máis ben propio dunha fabela, estaría xustificado nun primeiro momento puntual, a fin de evitar que seguira caendo auga, pero entendemos que despois de máis de dous meses, isto xa debería de estar arranxado.
Ao día seguinte, segundo o correo electrónico remitido polo Xefe Territorial o 8/3/2023, en relación co escrito presentado, informóusenos que a empresa adxudicataria do contrato de mantemento de edificios xudiciais (Ingesan) estaba realizando xa as xestións necesarias para solucionar este tema. Nos vindeiros días procederase á instalación dun andamio para executar a citada reparación do tellado do edificio. En fin, a ver se é certo e non se dilata máis ainda o arranxo do tellado dese edificio xudicial.
Ligazón escrito presentado:
https://drive.google.com/file/d/1jKiXeqHuJovc8eFQC0ImaYbmL_9vyrKe/view?usp=sharing
Comentarios
Publicar un comentario