PARABENS Á SUBIDA SALARIAL ACADADA EN EUSKADI

Desde CIG-Xustiza queremos parabenizar as e os compañeiras/os de Euskadi polo acordo alcanzado onte co Goberno Vasco. Dito acordo supón un aumento retributivo do 13% e recolle a reivindicación histórica do colectivo de equiparar os salarios as táboas do persoal homologado da Administración Xeral da Comunidade Autónoma Vasca. As asambleas de traballadores e traballadoras celebradas no día de onte nas 3 cidades vascas ratificaron este acordo que supón o seguinte: 

• Respétase a modalidade da xornada de I persoal de xustiza con todas as súas especificidades, incluído os días que resultan do exceso.

• Incremento das retribucións brutas anuais nas seguintes cantidades: 

 FORENSES : 3.254,76€

 XESTIÓN: 4.611,32€

 TRAMITACIÓN: 4.007,64€

 AUXILIO: 3.461,08€

• O abono das cantidades sería un 50% a sinatura do acordo e outro 50% o 1 de xaneiro de 2024, momento no que se vería alcanzada a equiparación salarial

• Recoñécese un plus salarial para as traballadoras nos Xulgados de Violencia contra a Muller

• Recóllese que o complemento da Carreira Profesional queda a marxe da presente negociación e que o mesmo negociaráse con posterioridade

Unha vez máis queda claro que o sindicalismo nacionalista e de clase é o camiño no que hai que traballar, por e para as nosas traballadoras e traballadores. Somos a ferramenta útil para alcanzar os intereses do persoal de Galiza ante a Administración.