A CIG ven de denunciar ante a Dirección Xeral de Xustiza a redución do persoal de vixilancia e seguridade nos Xulgados de Cangas, Lalín e Arzúa, xa que non se entende a diminución do dito persoal, así como tampouco que, mentres non se produza a eficacia do novo prego de prescricións técnicas, non se deixe e se prorrogue provisionalmente ao persoal de seguridade existente, ata o momento da adxudicación do novo servizo.
Así mesmo, non só se están facendo recortes na redución do persoal, senón que tamén se minoran as horas de vixilancia dos edificios xudiciais.
Parécenos inverosímil que por parte da Administración prevaleza a economía á seguridade dos seus funcionarios e usuarios e tamén das instalacións xudiciais que, en todos os casos, manteñen nas súas instalacións información moi sensible.
É por todo iso que, por parte desta central sindical, solicitamos que se manteña o mesmo persoal de vixilancia e seguridade nos edificios xudiciais, así como que non se supriman horas dos mesmos, en prol á seguridade dos seus traballadores e usuarios.
Ligazón escrito:
https://drive.google.com/file/d/1GkGcoaHsoY-DnvRMgSMnGmNffKseCI3x/view?usp=sharing
Comentarios
Publicar un comentario