Saltar ao contido principal

NOVO MINISTRO DE XUSTIZA



Bermejo dimite como ministro de Xustiza



O ministro de Xustiza, Mariano Fernández Bermejo, vén de anunciar que renuncia ao seu cargo no Goberno central. Esta mañá, convocara unha rolda de prensa de urxencia sen comunicar o motivo da convocatoria
"Marcho porque o escenario actual tomaba tintes que non me gustan. Nunca estiven pegado ao sillón". Esas foron as verbas do ministro na rolda de prensa. Non admitiu preguntas e desexou que a persoa que o substitúa "continúe co escenario ilusionante" co que el aceptou o cargo. O xa ex ministro aclarou que queda como deputado do PSOE.
Fernández Bermejo, que estivo case dous anos á fronte da carteira de Xustiza e que se enfrontou á primeira folga de xuíces, anunciou a súa renuncia logo de verse envolvido nas últimas semanas nunha intensa polémica ao transcender que coincidiu nunha cacería en Jaén en compañía de xuíz da Audiencia Baltasar Garzón a fin de semana posterior ás primeiras detencións efectuadas coa denominada 'Operación Gurtel'. Pola outra banda, Bermejo carecía de licenza para cazar na finca de Andalucía na que se produciu a cacería. Tras esa cacería o PP pediu en repetidas ocasións a dimisión do ministro e mesmo deu por suspendido o Pacto pola Xustiza mentres este continuase no seu cargo. Nesta causa o xuíz investiga unha presunta trama de corrupción e tráfico de influencias que ofrecería "dádivas e subornos" a funcionarios e autoridades de administracións do PP das comunidades autónomas de Madrid e Valencia.


O galego Francisco Caamaño, novo ministro de Xustiza


Frascisco Caamaño, até o de agora secretario de Estado de Relacións coas Cortes, substituirá a Mariano Fernández Bermejo como ministro de Xustiza
O novo ministro de Xustiza naceu o 8 de xaneiro de 1963 na vila coruñesa de Cee e licenciouse en Dereito pola Universidade de Santiago de Compostela. Dende entón, a súa traxectoria profesional estivo vinculada ao Dereito Constitucional, materia que impartiu, como Profesor Titular, na citada Universidade.
Designado Letrado do Tribunal Constitucional en 1993, no 2002 obtivo a praza de Catedrático na Universidade de Valencia. Ademais, foi director da Fundación Democracia e Goberno Local e codirector da Revista 'Cadernos de Dereito Local

Comentarios

Publicacións populares deste blog

MESA SECTORIAL MINISTERIO - VINDEIRAS OPOSICIÓNS

A CIG ven de participar na Mesa Sectorial do Ministerio de Xustiza, xunto cos sindicatos representativos do sector (Ccoo, Ugt, Ela, así como os corporativos Csif e Staj). Nela tratouse a primeira valoración da Lei 20/2021 e o seu impacto na OEP 2019 e seguintes da Administración de Xustiza. O Ministerio de Xustiza xa está a tratar o tema coas distintas CCAA con transferencias na materia posto que a cada unha lle afecta en maior o menor medida. Respecto da promoción interna non lle ven posibles afectacións. Dende a CIG reclamamos a recuperación do 50% das prazas para a PI, así como unha convocatoria extraordinaria que permita recuperar as prazas perdidas. Como a norma afecta de xeito diferente a cada OEP, o Ministerio entende que non se poderán acumular entre elas, pero de atopar o xeito de facelo optarán por esta vía que será a máis áxil. O Ministerio entende que para a OEP do 2019 xa deberían ofertar polo sistema de concurso aquelas prazas que leven ocupadas con carácter temporal de f

TOMA DE POSESIÓN DO NOVO SECRETARIO DE GOBERNO DO TSXG

O Secretario Nacional do Sector de Xustiza da CIG, Óscar Freixedo, e a Secretaria de Saúde  Laboral, Chelo Rodríguez, acudiron no día de onte, a tendendo ao convite da Ministra de Xustiza, á toma de posesión en Madrid do novo Secretario de Goberno do Tribunal Superior de Xustiza de Galiza, Juan José Martín Álvarez, ata fai uns días Director Xeral de Xustiza. Óscar e Chelo trasladáronlle ao novo Secretario de Goberno do TSXG o seu compromiso co diálogo e a colaboración, asi como a dispoñibilidade do Sector de Xustiza da CIG para mellorar as condicións laborais das traballadoras e traballadores da xustiza galega e do servizo público que atenden.

AGRADECEMENTO AS TRABALLADORAS/ES POLO SEU VOTO NAS RECENTES ELECCIÓNS

A CIG quere dar as grazas a todas e todos @s que participastes nas eleccións ás Xuntas de Persoal da Admón de Xustiza, en especial aos que depositastes a vosa confianza en nós. Vistos os resultados, agás en   Ourense que aínda non se celebraron,   queremos manifestar que   o voso apoio nos vai facer un pouco máis fortes, e esa forza ímola empregar, coma sempre, libres, sen ataduras e cun espíritu crítico,   en tratar de mellorar as condicións de traballo de todas e todos, en tratar de conseguir que se respecten os nosos dereitos e que esta xustiza do noso país mellore e sexa un mellor servizo público. Toca seguir loitando, que é algo que facemos con agrado   esperando non defraudar e conseguir ser cada vez un pouquiño máis referente neste sector,   do mesmo xeito que somos referente nos distintos eidos da nosa Galiza.