Por fin creo que acabamos de negociar a orde de calendario. Penso que saiu
de xeito bastante satisfactorio. En canto poda escaneala enviareina. Fixéronse
bastantes axustes. Acadamos a xornada de verán de 6 horas e tamén que,
independentemente do día no que caian os festivos locais se desconten 7
horas 30 minutos ou 6 horas, segundo o caso, do cómputo mensual, así se
caen en sábado ou domingo non se perde ese día de descanso ou, mellor
dito, nese mes trabállanse menos horas. Tamén case está conseguido o da
entrada as 7:30 da mañán pero está pendente de comprobar o convenio coa
policía. Non prosperou a nosa petición da xornada reducida no nadal pero
debemos estar moi satisfeitos pois si prosperaron outras moitas das nosas
alegacións.
En canto aos cadros de persoal dos órganos de nova creación vanse manter
tal e como nos foron presentados pero a administración vai remitir unha
proposta de creación e consolidación de prazas nos servizos comúns e nos
servizos de apoio. O feito de que se cren prazas nos servizos comúns e nos servizos
de apoio penso que é moi positivo.
No tocante as comisións de servizo para órganos de nova creación e, debido á premura de tempo coa que se
acordou, en principio van sair simplemente para Galiza, ainda que na orde
de convocatoria vaise especificar que esta e unha primeira fase e que logo
haberá unha segunda fase que si se extenderá a todo o territorio do estado. Nós
ademais reiteramos a nosa petición de ter unha xuntanza para abordar e
cuantificar as prazas que poidan existir cara a esas comisións de servizo,
ofertas de prazas oposicións e o concurso de traslados do ano que ven.
Comentarios
Publicar un comentario