Saltar ao contido principal

A LOITA SI QUE VALE - MESA SECTORIAL 29-05-2013






A PRESIÓN SINDICAL, LEVANTÁNDONOS DA MESA, E O IMPORTANTE SEGUIMENTO DAS MOBILIZACIÓNS DO PASADO DÍA 22 DE MAIO OBRIGAN Á DXX A RECOÑECER OS 3 DÍAS DE LIBRANZA E A FLEXIBILIDADE HORARIA

DÍAS DE LIBRANZA E FLEXIBILDADE HORARIA
A decisión unánime de abandonar a mesa levada a cabo por CCOO, USO, UGT, CSIF e CIG, sindicatos con representación na Mesa Sectorial, e o apoio dos traballadores nas mobilizacións convocadas o pasado día 22 de maio nas sete grandes ciudades de Galicia, obriga á Administración a rectificar a súa negativa a:
1º Recoñecer a discriminación dos funcionarios de Xustiza con respecto do resto de funcionarios doutras administración
A partires do PRIMEIRO DE XUÑO todos os funcionarios, de maneira voluntaria, poderán acumular as horas traballadas por enriba das 7 horas diarias obrigatorias (en cómputo mensual), ata alcanzar un máximo de 22 horas e media en cómputo anual equivalentes a 3 días de libranza.
Esta foi a principal razón de levantármonos da Mesa Sectorial o pasado día 8 de maio
2º Negativa a cumprir coa “flexibilización do horario fixo” recollida na normativa de permisos e licenzas. Neste punto a administración non tivo máis que aceptar a obviedade, é dicir, que o traballador ten o dereito a converter 1 hora do horario fixo, para conciliar a vida laboral e familiar,  en 1 de horario flexible. Tal e como esta a pasar a día de hoxe.

NEGOCIACIÓN DE DESCONTO POR BAIXA (I.T.)
Todas as centrais sindicais esiximos á administración esperar á negociación da normativa estatal (Ministerio de Xustiza) para evitar a discriminación entre funcionarios, incluso no mesmo xulgado (Secretarios con normativa estatal, resto de funcionarios con normativa de Galicia)
A semana que ven terá lugar a Mesa Sectorial de Xustiza no Ministerio para desenvolver a normativa. Recordarvos que antes do día 29 de xuño non haberá ningún tipo de desconto.
OUTROS
Substitucións verticais.- A administración aceptou a reivindicación de CCOO, USO, UGT, CSIF e CIG de abrir a negociación sobre substitucións verticais para acadar o 100% das retribucións nas substitucións (A IGUAL TRABALLO IGUAL RETRIBUCIÓN)
Permisos.- Dende XA poderase coller o permiso por ingreso hospitalario ou, enfermidade grave por días soltos e no prazo dun mes.
Vacacións.- Dende XA se poden pedir nas delegacións os 7 días de vacacións por separado
Interinos e reforzos.- A administración convocará proximamente a derradeira mesa sobre a orde de interinos para a súa posterior publicación.

Comentarios

Publicacións populares deste blog

MESA SECTORIAL MINISTERIO - VINDEIRAS OPOSICIÓNS

A CIG ven de participar na Mesa Sectorial do Ministerio de Xustiza, xunto cos sindicatos representativos do sector (Ccoo, Ugt, Ela, así como os corporativos Csif e Staj). Nela tratouse a primeira valoración da Lei 20/2021 e o seu impacto na OEP 2019 e seguintes da Administración de Xustiza. O Ministerio de Xustiza xa está a tratar o tema coas distintas CCAA con transferencias na materia posto que a cada unha lle afecta en maior o menor medida. Respecto da promoción interna non lle ven posibles afectacións. Dende a CIG reclamamos a recuperación do 50% das prazas para a PI, así como unha convocatoria extraordinaria que permita recuperar as prazas perdidas. Como a norma afecta de xeito diferente a cada OEP, o Ministerio entende que non se poderán acumular entre elas, pero de atopar o xeito de facelo optarán por esta vía que será a máis áxil. O Ministerio entende que para a OEP do 2019 xa deberían ofertar polo sistema de concurso aquelas prazas que leven ocupadas con carácter temporal de f

TOMA DE POSESIÓN DO NOVO SECRETARIO DE GOBERNO DO TSXG

O Secretario Nacional do Sector de Xustiza da CIG, Óscar Freixedo, e a Secretaria de Saúde  Laboral, Chelo Rodríguez, acudiron no día de onte, a tendendo ao convite da Ministra de Xustiza, á toma de posesión en Madrid do novo Secretario de Goberno do Tribunal Superior de Xustiza de Galiza, Juan José Martín Álvarez, ata fai uns días Director Xeral de Xustiza. Óscar e Chelo trasladáronlle ao novo Secretario de Goberno do TSXG o seu compromiso co diálogo e a colaboración, asi como a dispoñibilidade do Sector de Xustiza da CIG para mellorar as condicións laborais das traballadoras e traballadores da xustiza galega e do servizo público que atenden.

ANUNCIO DA CONVOCATORIA DAS BOLSAS DE PERSOAL INTERINO DE XUSTIZA

No DOG do 8 de febreiro publicouse a RESOLUCIÓN do 28 de xaneiro de 2022, da Dirección Xeral de Xustiza, pola que se convocan bolsas de traballo de persoal interino dos corpos xerais ao servizo da Administración de xustiza en Galicia (código de procedemento XU700A). 1. O prazo de presentación de solicitudes será de quince (15) días hábiles (ata o 1 de marzo) , contados a partir do día seguinte ao da publicación desta convocatoria no Diario Oficial de Galicia. 2. As solicitudes presentaranse obrigatoriamente por medios electrónicos a través do formulario normalizado dispoñible na Oficina virtual do persoal da Administración de xustiza (OPAX), no sitio web http://opax.xunta.es , accesible tamén a través da sede electrónica da Xunta de Galicia https://sede.xunta.gal 3. Para acceder ao formulario normalizado e presentar a solicitude, deberase dispor dun usuario rexistrado na OPAX e dun certificado electrónico cualificado (DNI electrónico, tarxeta de identificación de persoal ao servizo da