A CIG ven de participar na Mesa Sectorial do Ministerio de Xustiza, xunto cos sindicatos representativos do sector (Ccoo, Ugt, Ela, así como os corporativos Csif e Staj).
Nela tratouse a primeira valoración da Lei 20/2021 e o seu impacto na OEP 2019 e seguintes da Administración de Xustiza.
O Ministerio de Xustiza xa está a tratar o tema coas distintas CCAA con transferencias na materia posto que a cada unha lle afecta en maior o menor medida.
Respecto da promoción interna non lle ven posibles afectacións. Dende a CIG reclamamos a recuperación do 50% das prazas para a PI, así como unha convocatoria extraordinaria que permita recuperar as prazas perdidas.
Como a norma afecta de xeito diferente a cada OEP, o Ministerio entende que non se poderán acumular entre elas, pero de atopar o xeito de facelo optarán por esta vía que será a máis áxil.
O Ministerio entende que para a OEP do 2019 xa deberían ofertar polo sistema de concurso aquelas prazas que leven ocupadas con carácter temporal de forma ininterrompida con anterioridade ó 1 de xaneiro de 2016.
Como a OEP do 2020 e do 2021 non se ve afectada pola nova lei 20/21 xa que son prazas que corresponden á taxa de reposición. O Ministerio non ten inconveniente en que sexa por de concurso-oposición tamén, pero con menos puntos a valorar na fase de concurso para axilizar o proceso. Valoran polo tanto deixar de valorar os cursos de formación,
Para a OEP do 2022 é cando entenden que hai que convocar polo sistema de concurso-oposición os procesos de estabilización de emprego temporal que inclúa as prazas de natureza estrutural que fosen ocupadas de forma temporal e ininterrompidamente cando menos nos tres años anteriores ó 31 de decembro de 2020.
Por todas estas variacións atopan problemas na reserva da nota de corte, aínda que tentarán "salvalo" dalgún xeito.
Ligazón folla informativa:
https://drive.google.com/file/d/1_TYCWa_2CyzrX6NfF-o__I_IjgUwF0R9/view?usp=drivesdk
Comentarios
Publicar un comentario