Saltar ao contido principal

MESA DE FORMACIÓN 10/11/2022

Hoxe tivo lugar, por videoconferencia, a xuntanza da mesa de formación á que asistiron as persoas responsables da EGAP. 
 
Por parte da Escola trasladóusenos a alta porcentaxe de participación nos cursos neste ano, e tamén que pensan convocar para o ano 2023 un curso da reforma concursal (máis extenso) e outro de xurisdición voluntaria coas novas reformas; tamén se comentou a petición do Imelga de que a formación específica se tratara directamente con eles, ademais de non ser somentes para os médicos e médicas forenses, senón ademais para sicologos/as e traballadores/as sociais.
 
Quedou pendente por parte da EGAP remitirnos os datos dos cursos deste ano coa participación, así como a partida orzamentaria para o ano 2023. 
 
Por parte da CIG solicitamos a realización dos seguintes cursos, independentemente dos que se poidan propoñer en base aos datos que nos remitan do ano 2022 coas súas porcentaxes.
 
Primeiro.- Aumentar as edicións dos cursos de galego, xa que o ano pasado somentes ampliaron unha. 
Segundo.- Curso de linguaxe de signos, aumentando as prazas e que teñan preferencia a xente que está cara ao público. 
Terceiro.- Que os cursos de violencia non sexan só teóricos, senón tamén dirixidos ao traballo do día a día. 
Cuarto.- Reforma concursal,que a EGAP xa manifestou contemplar. 
Quinto.- Curso actualizado de herdanzas. 
Sexto.- Cursos de idiomas con diferentes niveis. 
Sétimo.- Procesal penal actualizado 
Oitavo.- Dereito foral enfocado aos corpos de xestión, tramitación e auxilio, de 120 horas, que é o que valoran para acceder á bolsa de LAX. 
Noveno.- MÁIS CURSOS PRESENCIAIS sobre as ferramentas que usamos: Siraj, Reaj, correos, etc. 
Webinarios.- cursos a través de internet formato videoconferencia, que permite interactuar co titor. 
Tamén fixemos fincapé en que neste momento é imperioso conseguir a capacitación do persoal no EXE e, polo tanto, o esforzo formativo ten que ir encamiñado a iso, polo que solicitamos un orzamento extraordinario de formación para expediente xudicial electrónico. 
 
Noutras cuestións pedimos: 
- Descentralización dos cursos que se realizan en Santiago, para poder facelos nas delegacións correspondentes como antiguamente. 
- Saber o criterio á hora de asignar os cursos, xa que ás veces outorgan cinco a unha persoa e a outra ningún. 
- Que os cursos estean actualizados coas reformas. 
- Que na titulación do curso de EXE figure aproveitamento en lugar de só participación. 
- E moi importante e unha cuestión que pedimos sempre, a dotación de FORMADORES no propio xulgado, tanto para casos de acollida de novo persoal como o resto. 
- Así mesmo solicitamos que ampliaran a hora dos exames dos respectivos cursos máis alá das 18:30 horas, e que nas penalizacións non contara a non superación dos exames. 
 
Ligazón folla informativa:

Comentarios

Publicacións populares deste blog

MESA SECTORIAL MINISTERIO - VINDEIRAS OPOSICIÓNS

A CIG ven de participar na Mesa Sectorial do Ministerio de Xustiza, xunto cos sindicatos representativos do sector (Ccoo, Ugt, Ela, así como os corporativos Csif e Staj). Nela tratouse a primeira valoración da Lei 20/2021 e o seu impacto na OEP 2019 e seguintes da Administración de Xustiza. O Ministerio de Xustiza xa está a tratar o tema coas distintas CCAA con transferencias na materia posto que a cada unha lle afecta en maior o menor medida. Respecto da promoción interna non lle ven posibles afectacións. Dende a CIG reclamamos a recuperación do 50% das prazas para a PI, así como unha convocatoria extraordinaria que permita recuperar as prazas perdidas. Como a norma afecta de xeito diferente a cada OEP, o Ministerio entende que non se poderán acumular entre elas, pero de atopar o xeito de facelo optarán por esta vía que será a máis áxil. O Ministerio entende que para a OEP do 2019 xa deberían ofertar polo sistema de concurso aquelas prazas que leven ocupadas con carácter temporal de f

TOMA DE POSESIÓN DO NOVO SECRETARIO DE GOBERNO DO TSXG

O Secretario Nacional do Sector de Xustiza da CIG, Óscar Freixedo, e a Secretaria de Saúde  Laboral, Chelo Rodríguez, acudiron no día de onte, a tendendo ao convite da Ministra de Xustiza, á toma de posesión en Madrid do novo Secretario de Goberno do Tribunal Superior de Xustiza de Galiza, Juan José Martín Álvarez, ata fai uns días Director Xeral de Xustiza. Óscar e Chelo trasladáronlle ao novo Secretario de Goberno do TSXG o seu compromiso co diálogo e a colaboración, asi como a dispoñibilidade do Sector de Xustiza da CIG para mellorar as condicións laborais das traballadoras e traballadores da xustiza galega e do servizo público que atenden.

ANUNCIO DA CONVOCATORIA DAS BOLSAS DE PERSOAL INTERINO DE XUSTIZA

No DOG do 8 de febreiro publicouse a RESOLUCIÓN do 28 de xaneiro de 2022, da Dirección Xeral de Xustiza, pola que se convocan bolsas de traballo de persoal interino dos corpos xerais ao servizo da Administración de xustiza en Galicia (código de procedemento XU700A). 1. O prazo de presentación de solicitudes será de quince (15) días hábiles (ata o 1 de marzo) , contados a partir do día seguinte ao da publicación desta convocatoria no Diario Oficial de Galicia. 2. As solicitudes presentaranse obrigatoriamente por medios electrónicos a través do formulario normalizado dispoñible na Oficina virtual do persoal da Administración de xustiza (OPAX), no sitio web http://opax.xunta.es , accesible tamén a través da sede electrónica da Xunta de Galicia https://sede.xunta.gal 3. Para acceder ao formulario normalizado e presentar a solicitude, deberase dispor dun usuario rexistrado na OPAX e dun certificado electrónico cualificado (DNI electrónico, tarxeta de identificación de persoal ao servizo da