O 16 de xuño asistimos a dúas mesas en Madrid para abordar a reforma dos sistemas de substitucións de letrad@s e dos corpos xerais.
En canto aos LLAX, a Administración quería aprobar un plan de actuación para pagar o 80% do complemento de destino e do específico, pero foi rexeitado pola parte sindical, solicitando que se paguen todas as que se realicen, que seu abono chegue ao 100% dos complementos e que sexa con efectos retroactivos dende o ano 2019, que foi cando se aprobou o RD que posteriormente foi anulado xudicialmente por vulnerar o dereito á negociación colectiva.
En canto ás substitucións dos corpos xerais, a Administración amosou a súa disposición a modificar o RD para evitar que o persoal de xestión perda a súa praza cando accede a unha substitución de LAX.
A CIG solicitou que se elaboren unhas bases comúns sobre as substitucións en todos os corpos, baseándose no dereito á promoción profesional e na retribución de todas as que se fagan, incluíndo non só as do corpo de letrad@s senón tamén as do resto, especialmente as que realiza o corpo de auxilio.
A Administración tamén presentou (non é sen hora) un borrador para iniciar a elaboración do Plan de Igualdade da Administración de Xustiza, que se pretende que supoña un mínimo do que partan as Administracións territoriais para a elaboración dos propios.
Ligazón folla informativa:
https://drive.google.com/file/d/1f3qPQxnfmftTi_v4elR5vDKpDruz8ciY/view?usp=sharing
Comentarios
Publicar un comentario