Saltar ao contido principal

FOLLA INFORMATIVA SOBRE AS VALORACIÓNS DA FASE DE MÉRITOS

Sobre as valoracións para a fase concurso de méritos dos apartados:

A. Títulos e graos académicos:
Ditas titulacións serán consultadas nas bases de datos do Ministerio de Educación, polo que non será necesario achegar os títulos correspondentes.

C. Cualificacións de exercicios en procesos anteriores:
Serán achegadas de oficio por parte da Administración, polo que non será necesario que as persoas opositoras soliciten certificados de notas.

D. Servizos prestados na Administración de Xustiza:
A acreditación do tempo de servizos prestados como funcionarios interinos na Administración de Xustiza, no ámbito do Ministerio de Xustiza, achegarase de oficio polo órgano competente. Con todo, cando a persoa aspirante achegue méritos como persoal interino en distintos territorios daquel polo que se presente, poderá achegar xustificante do tempo prestado como persoal interino ou substituto neses territorios ou no seu caso, e de non obrar no seu poder, xustificación de ser solicitados ao órgano certificante, para así poder ser adecuadamente baremados para a lista provisional de méritos que se emita, axilizando o proceso de baremación dese mérito. En todo caso, reclamarase de oficio pola Administración convocante ás Administracións en cuxo poder obren eses datos.

Todo iso a condición de que as persoas opositoras non marcasen a casa correspondente no formulario de inscrición pola que se denega a autorización á Administración para a consulta dos seus datos. 

No caso de que a información proporcionada pola administración non coincida coa que obra en poder das persoas opositoras, unha vez publicadas as listas provisionais de méritos, abrirase un prazo de alegacións para as correccións.

Todos os méritos valoraranse ata a data de finalización do prazo de presentación de solicitudes.

Ligazón:

https://drive.google.com/file/d/1EsKW18P8ghYrphDHUGEd6khKm7MCC8z8/view?usp=sharing

Comentarios

Publicacións populares deste blog

MESA SECTORIAL MINISTERIO - VINDEIRAS OPOSICIÓNS

A CIG ven de participar na Mesa Sectorial do Ministerio de Xustiza, xunto cos sindicatos representativos do sector (Ccoo, Ugt, Ela, así como os corporativos Csif e Staj). Nela tratouse a primeira valoración da Lei 20/2021 e o seu impacto na OEP 2019 e seguintes da Administración de Xustiza. O Ministerio de Xustiza xa está a tratar o tema coas distintas CCAA con transferencias na materia posto que a cada unha lle afecta en maior o menor medida. Respecto da promoción interna non lle ven posibles afectacións. Dende a CIG reclamamos a recuperación do 50% das prazas para a PI, así como unha convocatoria extraordinaria que permita recuperar as prazas perdidas. Como a norma afecta de xeito diferente a cada OEP, o Ministerio entende que non se poderán acumular entre elas, pero de atopar o xeito de facelo optarán por esta vía que será a máis áxil. O Ministerio entende que para a OEP do 2019 xa deberían ofertar polo sistema de concurso aquelas prazas que leven ocupadas con carácter temporal de f

TOMA DE POSESIÓN DO NOVO SECRETARIO DE GOBERNO DO TSXG

O Secretario Nacional do Sector de Xustiza da CIG, Óscar Freixedo, e a Secretaria de Saúde  Laboral, Chelo Rodríguez, acudiron no día de onte, a tendendo ao convite da Ministra de Xustiza, á toma de posesión en Madrid do novo Secretario de Goberno do Tribunal Superior de Xustiza de Galiza, Juan José Martín Álvarez, ata fai uns días Director Xeral de Xustiza. Óscar e Chelo trasladáronlle ao novo Secretario de Goberno do TSXG o seu compromiso co diálogo e a colaboración, asi como a dispoñibilidade do Sector de Xustiza da CIG para mellorar as condicións laborais das traballadoras e traballadores da xustiza galega e do servizo público que atenden.

AGRADECEMENTO AS TRABALLADORAS/ES POLO SEU VOTO NAS RECENTES ELECCIÓNS

A CIG quere dar as grazas a todas e todos @s que participastes nas eleccións ás Xuntas de Persoal da Admón de Xustiza, en especial aos que depositastes a vosa confianza en nós. Vistos os resultados, agás en   Ourense que aínda non se celebraron,   queremos manifestar que   o voso apoio nos vai facer un pouco máis fortes, e esa forza ímola empregar, coma sempre, libres, sen ataduras e cun espíritu crítico,   en tratar de mellorar as condicións de traballo de todas e todos, en tratar de conseguir que se respecten os nosos dereitos e que esta xustiza do noso país mellore e sexa un mellor servizo público. Toca seguir loitando, que é algo que facemos con agrado   esperando non defraudar e conseguir ser cada vez un pouquiño máis referente neste sector,   do mesmo xeito que somos referente nos distintos eidos da nosa Galiza.