Resulta inaudito que as administracións implicadas permitiran a entrada de traballador@s no edificio da "Cidade da Xustiza" antes de que o mesmo pasara a inspección do Servizo de Prevención e Riscos Laborais, como solicitou a CIG no seu día, a fin de detectar e correxir os múltiples defectos dos que adolece o novo edificio xudicial (inexistencia do plan de evacuación, no hai planos de ubicación nos distintos andares, incorrecta ubicación dos extintores e sinais, carencia de previsión de simulacros, etc). Culpable de todo isto é o Concello de Vigo por darlle á consellería o permiso de primeira ocupación e, por suposto, culpable é a Dirección Xeral de Xustiza e, en último termo, a Vicepresidencia Primeira e Consellería de Presidencia, Xustiza e Deportes por forzar o traslado do persoal moito antes de que o edificio estivera realmente rematado e cun correcto funcionamento dos seus sistemas. Pois ben, este pasado venres, 15 de setembro, saltou outra vez a alarma contra incendios e, menos mal que a mesma foi unha falsa alarma, por que o sistema de evacuación do edificio non funcionou en absoluto, xa que os avisos de advertencia non se escoitaron a partir do 3º andar dos 18 que ten o edificio e, polo tanto, 15 andares, máis o edificio anexo, servizo de garda e o xulgado de violencia quedaron sen evacuar e o persoal e cidadans que se atopaban nas ditas dependencias seguiron sen máis coas súas tarefas. De ter sido unha alarma real teriamos 15 andares sen evacuar, máis o edificio anexo, e unha desgracia monumental pero claro, os cargos politicos acaban de salvar o seu pelexo porque so foi unha falsa alarma do sistema de seguridade e así estaremos ata o seguinte susto.
Ligazón "Diario Atlántico":
Comentarios
Publicar un comentario