O pasado día 29 de xuño, tal e como vos informamos no seu momento, delegadas sindicais da CIG reunímonos persoalmente co Presidente do TSXG para trasladarlle a problemática existente en todos os Xulgados con materia de violencia de xénero do país, e especialmente nos exclusivos de Vigo e A Coruña, comprometéndose este a buscar solucións
despois do verán.
Froito diso, o TSXG ven de propoñer, dentro do Plan de actuación COVID-19, reforzar estes xulgados, mantendo o xuíz de reforzo da Coruña e valorando a adscrición doutro/a para Compostela. Ademais, pide que se reforce o cadro de persoal destes órganos, mantendo os reforzos existentes pero tamén aumentando os cadros e establecendo prolongacións de xornada.
No seu escrito o TSXG faise eco das nosas queixas ante unhas xornadas laborais maratonianas máis propias dun servizo permanente de garda.
Ante este requirimento, a Dirección Xeral non pode seguir a facer oídos xordos e debe afrontar dunha vez o grave problema de carga de traballo que soportan estes xulgados, polo que a CIG solicitará unha mesa de negociación específica para este tema.
Ligazón escrito presentado DXX:
https://drive.google.com/file/d/1HdpQ-RLI0e0Zq4EMidxy4HiR_yjSdYdl/view?usp=sharing
Ligazón CXPX:
Comentarios
Publicar un comentario