CSIF, STAJ, CCOO, UGT e CIG solicitamos a paralización da tramitación do proxecto de lei orgánica de eficiencia organizativa (LOEO) que impón os tribunais de instancia sen negociación sobre condicións de traballo.
Nun escrito conxunto dirixido aos grupos parlamentarios da “Comisión de Justicia”, os cinco sindicatos solicitamos que non apoien a tramitación da lei de eficiencia organizativa mentres o Ministerio non inicie un proceso de negociación real e efectiva sobre o seu contido nin garanta a negociación das relacións de postos de traballo e os procesos de acoplamento con carácter previo á posta en marcha dos Tribunais de Instancia.
Como explicamos no escrito, a tramitación do proxecto de lei non pode facerse
en contra dos dereitos fundamentais de miles de empregados e empregadas públicas
que segundo o TREBEP (art. 37 letra k) teñen dereito á negociación colectiva a
través dos seus representantes legais.
Nestes momentos, con estas condicións, votar “si” ao proxecto de lei supón cernar o dereito fundamental de miles de cidadáns, empregados/as públicos/as da Administración de Xustiza.
O Ministerio debe reflexionar, solicitar a paralización da tramitación da
LOEO e abrir un proceso de negociación colectiva real e efectiva sobre a
implantación do novo modelo de xustiza.
Aínda está a tempo a Ministra de exercer como tal e respectar os dereitos fundamentais dos traballadores e traballadoras dos xulgados, fiscalías, institutos e do Rexistro civil. E, entre eles, o de negociación colectiva.
O Ministerio ten a oportunidade histórica de rectificar a súa deriva. De
abandonar ideas absurdas expresadas, entre outras veces, na reunión do pasado
día 13 de decembro, martes, sobre que as leis non se negocian ou que o
Ministerio cumpre as leis e non os acordos.
O Ministerio ten a oportunidade de demostrar que quere un acordo sobre o novo modelo de oficina xudicial e fiscal e do Rexistro civil, dado que van todos relacionados.
Comentarios
Publicar un comentario