Despois dunha semana de negociación, na
que houbo avances importantes dende o primeiro proxecto presentado
polo Ministerio, a CIG deu a súa conformidade hoxe aos Anexos II e
III do borrador de Orde negociado, se ben non se puido formalizar o
acordo ao non acadarse o conforme da maioría sindical coma esixía
o Ministerio.
A CIG-Xustiza coida que, ante a
incerteza dos seguintes estados de alarma, era bo ter un marco único
de normas neste período de tres-catro meses (mentres dure a vixencia
do RDL 16/2020), a fin de non quedar ao antollo de todas as persoas
e organismos que poden tomar decisións sobre o noso colectivo e,
máxime, dada a experiencia destes meses… Ademais, quedaría
establecido un marco de partida,o que consideramos favorable para o
persoal de cara as negociación do seu desenvolvemento coa Dirección
Xeral de Xustiza.
Non asinamos o Anexo I sobre medidas de
seguridade laboral ao ser un documento demasiado aberto e con eivas
importantes para nós, como é o referente ao subministro de EPIs.
O Ministerio vai publicar unha Orde que,
esperemos sexa o último borrador, para regular nas vindeiras
semanas o retorno á normalidade na Administración de Xustiza, tendo
en conta as indicacións sobre saúde laboral ditadas polo Ministerio
de Sanidade, e para poder proporcionar garantías suficientes na
volta ao traballo.
Entre estas medidas, temos unhas de
carácter organizativo para poder reducir o risco de exposición ao
contaxio, como é a incorporación progresiva do persoal que non
estea afectado por ningún tipo de patoloxía adicional, e tamén a
distribución do horario de prestación dos servizos.
Subliñamos o máis destacado nesta nota,
coa que achegamos un resumo das medidas acordadas en canto a
desescalada e as quendas, así como o último borrador presentado
polo Ministerio, e quedamos ao voso dispor para calquera aclaración
que precisedes.
Ligazón esquema de desescalada e quendas:
Ligazón borrador Orde aproba o Esquema
de Seguridade Laboral e Plan de Desescalada:
https://drive.google.com/file/d/1J3lXQoZxHw1AMaRUvA7ajy9-_xQUfAT-/view?usp=sharing
https://drive.google.com/file/d/1J3lXQoZxHw1AMaRUvA7ajy9-_xQUfAT-/view?usp=sharing
Comentarios
Publicar un comentario