O Ministerio de Xustiza, en reunión celebrada no día de hoxe, trasladounos determinada información relacionada cos temas pendentes de resolver tales como concurso de traslados, oposicións, etc:
Previamente, a CIG preguntou concretamente por dúas cuestións:
1) Se o Ministerio tiña estudado xa o procedemento que ia aplicar no caso da Disposición Adicional 158 da Lei de Orzamentos do Estado para o caso das cotizacións á seguridade social do persoal interino que prestou servizos con anterioridade a 1990. O Ministerio trasladounos que están a estudar as distintas posibilidades de artellar un sistema que de cobertura á citada disposición adicional.
2) Cal era a previsión de entrada e posta en funcionamento dos 33 órganos creados no ano 2020, ao cal contetóusenos que en breve remitiríase a programación de posta en funcionamento de ditos órganos.
CONCURSO DE TRASLADOS CORPOS XERAIS.- A intención, e así estaba planificado, era publicar a resolución definitiva do concurso de traslados o próximo día 21 de xaneiro. Debido aos problemas xerados na capital do estado pola borrasca "Filomena" a citada data vaise ver modificada xa que o dito temporal afectou ao persoal que se ocupa deses trámites, polo que estiman que o máis probable é que polo menos se atrase un par de días.
CONCURSO MUXEXU.- Está previsto que nos remitan en breve o borrador da orde de convocatoria previamente á súa remisión ao BOE.
XESTIÓN PROCESUAL QUENDA LIBRE.- Calculan que a listaxe provisional de méritos poderá sacarse a partires do 25 de xaneiro.
TRAMITACIÓN PROCESUAL QUENDA LIBRE.- Séguese traballando na valoración de méritos da fase de concurso, trámites que tamén se viron afectados polo referido temporal, calculando que a listaxe provisional de méritos estea nas próximas semanas, despois da listaxe provisional de Xestión Procesual.
AUXILIO XUDICIAL.- Nestes intres estase a barallar a segunda quincena de marzo (20 ou 27 de marzo) como data posible de exame, pero a situación actual de evolución moi negativa da pandemia, que mesmo vai provocar o atraso das eleccións en Catalunya, fai previsible que mesmo poida haber novos atrasos na realización dos exames. Ademais, infórmannos que o Ministerio vai tentar que estes exercicios poidan realizarse desde as provincias de orixe dos opositores, cuestión que van tratar en próximas reunións coas CCAA con competencias na materia.
PRÓXIMAS CONVOCATORIAS.- Seguen mantendo que a súa intención sería publicar para os meses de maio ou xuño as próximas convocatorias de promoción interna dos procesos selectivos derivados da OPE do ano 2019, quedando a quenda libre para datas posteriores.
En videiras datas o Ministerio comprometeuse a manter xuntanzas para concretar a OPE do 2021 e ir decicindo outras cuestións relativas aos próximos procesos selectivos, como a concreción das prazas para ofertar da OEP do 2019 por ámbitos territoriais.
Comentarios
Publicar un comentario