Parece ser que iso de que as sentenzas se publiquen en audiencia pública só é un eufemismo e unha reminiscencia do pasado rancio da xustiza xa que logo, cando pretendes acceder e obter unha copia dunha sentenza que che interesa, ata se lle pode negar ao CENDOJ (Centro de Documentación Xudicial) dita copia para formar parte da colección de xurisprudencia existente. Pois ben, o caso e que esta central sindical pretendeu acceder, a través do citado CENDOJ, a unha sentenza dictada en primeira instancia por un Xulgado Central do Contencioso-Administrativo e, cal non sería a nosa sorpresa cando, despois de poder acceder á sentenza de apelación da AN e á sentenza de casación do TS, o/a letrado/a do citado xulgado central denega a petición realizada polo CENDOJ para incorporar dita sentenza á colección xurídica remitíndonos ao establecido no artigo 4 do Regulamento 1/2005 de aspectos accesorios.
En conclusión, unha sentenza pública, que non ten restrinxida a súa publicidade e que é debidamente anonimizada polo CENDOJ, non pode ser publicada por este organismo porque a un letrado/a non lle da a gana de remitir dita sentenza a ese órgano do CXPX... en fin, así estamos en pleno século XXI, que no canto de facilitar o acceso ao coñecemento xurídico é mellor poñerlle trabas ao mesmo.
Ligazón contestación CENDOJ:
https://drive.google.com/file/d/1UnMrzAdbe1Ws5U55_5lsEVvC4W9dKYbX/view?usp=sharing
Comentarios
Publicar un comentario