A CIG ven mantendo desde setembro do ano pasado comuncacións coa Secretaría Xeral Técnica da Consellería de Sanidade da Xunta de Galiza, a fin de que pola mesma se nos aclararán determinados aspectos relacionados tanto coa realización das probas PCR, a vacinación do colectivo de mutualistas de MUGEJU con/sen enfermidades de risco, así como os diferentes criterios de aillamento aplicados ante un positivo detectado nun órgano xudicial.
Ante o novo escrito remitido o pasado 25/01/2021 (abaixo tedes a ligazón do mesmo), a Secretaría Xeral remitiunos este pasado 3 de marzo unha contestación onde intentan dar resposta as dúbidas trasladadas desde o noso sindicato. Se ben é unha contestación bastante concreta non é menos certo que nada indican sobre o erróneo funcionamento detectado na realización de probas PCR no caso de positivos ou contacto con positivos, en mutualistas adscritos aos servizos privados de saúde. Agardamos que polo menos teñan tomado nota da problemática e a mesma se corrixa e non se volvan a producir ditas eivas e retrasos.
Ligazón escrito remitido Consellería Sanidade:
https://drive.google.com/file/d/1PU9rCRRbMJHksWHtQUN0MXCRfmyAoxfN/view?usp=sharing
Ligazón contestación Consellería Sanidade:
https://drive.google.com/file/d/1bxprh04Op-orhBsCgKORe1FsfNMIrxMT/view?usp=sharing
Comentarios
Publicar un comentario