Ante a información aparecida na prensa no día de hoxe sobre o anuncio por parte de varias organizacións sindicais dunha convocatoria de folga na Administración de Xustiza queremos precisar:
- Que a CIG apoia as mobilizacións que se produzan reivindicando un aumento retributivo para todos os corpos, así como o recoñecemento das funcións reais de cada un deles.
- Que apoiamos, como fixemos ate o de agora, a solicitude dunha negociación real da LOEO co Ministerio, instando a que se paralice a súa tramitación mestres esta non se produza.
- Que, en virtude diso, apoiamos e participaremos na concentración de delegados e delegadas prevista para o día 12 de abril en Madrid e todas aquelas que neste senso se produzan.
- Que a CIG non convocará folga indefinida na Administración de Xustiza en Galicia; está aínda moi recente o acontecido na folga do 2018, con consecuencias nefastas para tod@s e pensamos, porque así tamén nolo transmiten os compañeiros e compañeiras, que non debemos unirnos a esta convocatoria. Galicia non é un territorio máis neste sentido, senón que esa circunstancia particular provoca que tomemos esta decisión, que non é fácil para nós senón que é froito dun fondo debate.
Ligazón comunicado:
https://drive.google.com/file/d/1KiOfRSHLjOwMmnqxd6vZL2_Sm9gcJfdl/view?usp=sharing
Comentarios
Publicar un comentario