A Federación de Servizos da CIG ven de presentar alegacións ao prego do concurso de adxudicación da vixilancia e seguridade dos edificiós xudiciais de Galiza. A Xunta pretende recortar e precarizar o servizo de seguridade privada na Cidade da Xustiza de Vigo e prescinde de tres traballadores/as. Nas condicións do concurso reducense até un 30% as horas de vixilancia do edificio xudicial que, segundo a propia Xunta, é a xoia da coroa dos edificios xudiciais de Galiza.
O sector de xustiza da Federación de Administración Pública non pode máis que apoiar aos compañeiros da Federación de Servizos nas súas reclamacións posto que, se sae adiante a adxudicación do concurso nos actuais termos, deixará de prestarse servizo pola noite os 365 días do ano; reduciranse drasticamente as xornadas laborais, pasando de 10 a 6; e ademais o edificio da Cidade da Xustiza quedará sen vixilancia polas tardes, xa que unicamente se prestará no aparcadoiro e no rexistro civil da rúa Lalín.
A todo isto debe de engardirse que o persoal funcionario xudicial pode facer horario flexible ata a 18:00 horas polo que o control de entradas e saidas polo persoal de seguridade debe de estar garantido e, con un único garda de seguridade atendendo o acceso ao aparcadoiro, difícilmente pode garantirse un mínimo de seguridade nas instalacións xudiciais. Debe terse en conta tamén que o edificio debe de pecharse completamente a partir das 20:00 horas, horario no que remata a prestación do servizo do xulgado de garda, e cabe preguntarse como un único garda vai poder verificar e supervisar o estado correcto de todas as instalacións xudiciais (por exemplo, que non quede ninguen no inmoble) se estamos a falar duns 44.0000 metros cuadrados de superficie.
Ligazón escrito presentado:
https://drive.google.com/file/d/1mVIrv45ifgOFnwWg3MtyPcMfsBznRO0I/view?usp=sharing
Ligazón nova:
Comentarios
Publicar un comentario