Por fin parece que temos data para a apertura do prazo para solicitar prazas de aparcadoiro nos edificios xudiciais da Coruña. Segundo conversa mantida con María Barreiro, xefa territorial, será a finais desta semana ou primeiros da que ven cando se remita a instrución abrindo prazo para solicitar a adxudicación dunha praza. Convocaranse as establecidas para a Fábrica de Tabacos e tamén as existentes no edificio da rúa Capitán Juan Varela. A estas últimas poderán optar os traballadores e traballadoras tanto dese edificio como do Anexo e da sede da rúa Monforte, porque de novo a Administración claudica ante o Decano da Coruña e renuncia a xestionar o seu aparcadoiro da rúa Monforte. Ao parecer, se o aparcadoiro é exterior si que o xestiona a DX pero se é cuberto non. Incomprensible. Estamos á espera de que o Director Xeral nos devolva a chamada para volver a tratar con el este asunto.
Seguiremos loitando porque todas as prazas se adxudiquen con independencia do posto de traballo que cada solicitante teña, como non pode ser doutra maneira. Non podemos seguir escudándonos en razóns de seguridade para gozar de privilexios simplemente por levar
toga.
Comentarios
Publicar un comentario