Nestes
últimos días estanse a convocar unha serie de actos por parte dos
colexios de procurador@s e avogad@s para denunciar o colapso xudicial
en Galiza. Segundo reflicten os medios, que neste caso si se están a
facer eco das reivindicacións, "...a
avogacía reclama un
pacto de Estado tralas eleccións xerais do 23 de xullo (...)
asegurando a participación efectiva dos profesionais que interveñen
nela" (La Voz de Galicia, 28/06/23).
Dentro
das solucións que propoñen para solucionar este colapso está o
establecemento dun sistema como o portugués: “Os
procuradores reclaman máis competencias para desatascar a Xustiza. O
sistema portugués outorga aos axentes de execución as facultades
para efectuar, sempre baixo o control xudicial, a realización
de embargos,
citacións, notificacións e ventas de bens embargados.
E esas son parte das competencias que reclaman os procuradores
galegos para «eliminar
o atasco xudicial» (La
Voz de Galicia, 28/06/23).
Estas
reivindicacións non son novas, nin derivan da situación actual. O
certo é que dende hai tempo a procuraduría está a atravesar unha
grave crisis existencial dado que algunhas reformas legais así como
sistemas informáticos como o LEXNET fan evidente que é unha figura
que cada vez ten menos razón de ser. Nesta situación é lóxico que
busquen a súa subsistencia pero
non a cargo de privatizar un servizo público.
Non
é o primeiro intento neste sentido. No trámite de emendas á LOEO
no Congreso, os grupos parlamentarios de PP, VOX e Ciudadanos
presentaron as seguintes no sentido de ampliar as competencias d@s
procurador@s:
Emenda 11, grupo parlamentario Ciudadanos. Proposta redacción art. 543.2 da
LOPX: 2.
En los casos previstos en la Ley, corresponde a los procuradores, sin
perjuicio de la participación de otros profesionales, la realización
de los actos de comunicación judicial, las actividades materiales
propias del proceso de ejecución, los actos de cooperación,
auxilio y colaboración con la Administración de Justicia y los
Tribunales.»
No
mesmo sentido a emenda 338 do Grupo Parlamentario Popular e a 388 do
Grupo Parlamentario VOX.
Debe
ser que se venta a chegada da dereita ao poder en Madrid e xa se
están ocupando as posicións de cara a acadar o obxectivo. Non se
entende senón que sexa agora cando se producen estas reivindicacións
porque a
falta de medios na xustiza galega e o colapso non é de agora.
Claramente
hai que reformar a xustiza en moitos aspectos para facela máis áxil
e eficiente, pero sempre dentro do seu carácter público.
Non
fai falta que veña ninguén a facer o traballo que o funcionariado
de Xustiza vimos facendo de sempre, iso si, en pésimas condicións laborais.
Non precisamos que veñan os/as procuradores/as a axudarnos. O que
precisamos son máis órganos, máis persoal funcionario e mellores
medios informáticos.
Precisamos que dunha vez se implante o
expediente dixital pero para iso hai que mellorar as aplicacións e
sistemas informáticos e unha completa formación para o seu manexo.
- Perdemos
moito tempo de traballo intentando solucionar as eivas de Minerva e
do resto de aplicacións.
- Perdemos
moito tempo imprimindo e “cosendo”.
- Perdemos
moito tempo facendo fotocopias.
- Perdemos
moito tempo suspendendo xuízos e volvendo a citar por causas alleas
aos xulgado.
- Perdemos
moito tempo en trámites e reclamacións absurdas.
Ante
estes ataques, debemos defender o noso traballo e a Xustiza como
servizo público e gratuito. A
CIG oporase a calquera intento de privatización, como vén facendo
dende sempre. Porque o público é servizo e o privado beneficio.
Está no noso voto evitalo.
Ligazón folla informativa:
Comentarios
Publicar un comentario