Dúas afiliadas da CIG, van a cobrar a Traxectoria Profesional dende Xaneiro de 2020. Grazas ás múltiples sentenzas da CIG, dúas funcionarias interinas de Xustiza acaban de ver recoñecido o grao I da traxectoria profesional dende xaneiro de 2020.
Isto vai traducirse en:
- Preto de 3.000 euros brutos en atrasos.
- O recoñecemento do grao II dende xaneiro de 2022.
- As cotizacións á Seguridade Social e desemprego de todas as cantidades deixadas de percibir.
- A porta aberta ao grao III para xaneiro do 2025.
Tristemente vai a haber compañeir@s
que non van a cobrar eses cartos por un deficiente asesoramento legal e
non ter formulado no seu día as reclamacións pertinentes.
Nestes días pasados o TSXG ven de notificar a firmeza destas dúas sentenzas que recoñecían o dereito do persoal interino da Administración Autonómica ao cobro desta retribución, tal e como xa avisamos que ocorrería. A intención da Xunta sempre foi exclusivamente dilatoria. Non esquezamos que temos a varias compañeiras agardando polo pronunciamento do Tribunal Supremo. Cómpre agora que desista dos recursos contra as sentenzas da Administración de Xustiza que, como dixo a CIG, nunca debeu interpoñer, pero como as custas non as vai pagar quen tomou a decisión, senón que as pagaremos a cidadanía galega, non pasará nada.
Todo isto foi grazas ás xestións da CIG que, primeiro instou as reclamacións administrativas e xudiciais en 2020 do grao I, e despois solicitou á D.X. que facilitara o recoñecemento do grao II a aquelas persoas pendentes de sentenza ou execución acudindo á base décimo primeira do Acordo que establece que o Grao II se solicitará no prazo dun mes dende a firmeza da sentenza.
Ligazón folla informativa:
https://drive.google.com/file/d/1w3ghEW7bWVMOQCD0HQ5GeKZj65dGvHbA/view?usp=sharing
Comentarios
Publicar un comentario