Publicouse no DOG a RESOLUCIÓN do 13 de xuño de 2023, da Dirección Xeral de Formación Profesional, pola que se convocan, con carácter gratuíto, cursos de linguaxe administrativa galega e cursos preparatorios para os certificados de lingua galega, Celga, que se realizarán en distintos períodos e en varias escolas oficiais de idiomas de Galicia.
Tede en conta que os cursos de linguaxe administrativa galega son equivalentes aos cursos de linguaxe xurídica galega.
As persoas que desexen participar nos cursos convocados nesta resolución deberán cubrir o formulario de inscrición telemática no enderezo https://www.eoidigital.com/preinslinguagalega
O prazo para a presentación das solicitudes abranguerá dende o día 3 ata o 14 de xullo de 2023, para os cursos do primeiro cuadrimestre (setembro-decembro); e dende o 13 ata o 24 de novembro de 2023, para os cursos do segundo cuadrimestre (febreiro-maio).
Ligazón DOG:
https://www.xunta.gal/dog/Publicados/2023/20230622/AnuncioG0655-140623-0001_gl.pdf
Comentarios
Publicar un comentario