Despois de non convocar ao comité de folga, de convocalo para dicirlle que das pretensións solicitadas nada de nada, de impedir o acceso de comida aos representantes alí pechados, ata conseguir que abandonasen o peche sen ningunha oferta, agora o Ministerio convoca ás organizacións integrantes da mesa sectorial, este venres 16, para negociar a suba salarial do corpo de LLAX unicamente. Unha auténtica burla.
Como xa vos dixeramos, sen o trámite de negociación coas OOSS o acordo ao que o Ministerio chegou coas asociacións non é válido. É por iso, e porque se lle acaba o tempo a este equipo ministerial e estará a sufrir presións, polo que nos convoca en plena folga e durante a campaña das eleccións sindicais.
Por suposto, esta tarde de mércores a CIG xa remitiu un correo indicando que por solidariedade coas organizacións sindicais convocantes da folga na Administración de Xustiza, a Confederación Intersindical Galega non acudirá a esa mesa sectorial xa que non responde a materias obxecto de litixio.
Ligazón folla informativa:
https://drive.google.com/file/d/1RERcw0iLX_5GKUMV3VQnC-o0jbd3yrDm/view?usp=sharing
Comentarios
Publicar un comentario